يسعد مساكم ياهل الخير بالنور

[معلومات العضو بدر سلطان التمامي]

المشاركة الأصلية كتبت بواسطة سعدبن فيصل آل ناصر

يسعد مساكم يا هل الخيـر بالنـور=ويسعد مساء البحرين واللي سكنها
ما جيت لآجل يقال شاعر ومشهور=ولا جيـت ادوّر للقصيـده ثمنهـا
ما جابني الا غلا الشعر وحضـور=أهل الوجيه اللي قصيدي حضنهـا
ديره كرم والشعب وافي ومفطـور=على الكرم والطيب فيهـم ومنهـا
ديره وفاء واهل الوفاء مابها قصور=ايه انشدوني عن وفاهـم وعنهـا
من قبل لا تبُنا علاقـات وجسـور=انشد شيوخ المجد وانشـد وطنهـا
عن الدواسر كم وكـم راح منعـور=أرخص حياته دونهـا واحتضنهـا
وكم واحدن بفعالهم مـات مقهـور=بسيـوف هنّـد ودمّ كبـده دهنهـا
وكم واحدن قد خاب مسعاه معثـور=ما يدري ان الدار محكّـم رسنهـا
خيّالها يا رايـه الحـرب منصـور=لامـن تفتّـق ثوبهـا مـا كبنّهـا
حامي حمى البحرين وابليس مدحور=من طامع وحَسّـاد يشعـل فتنهـا
ملك الا من قال قوله علـى الفـور=ترخص نفوسن في يمينـه كفنهـا
دون العلم دون الوطن ماتبي شور=يأمر علـى شعبـن يحبّـه وينهـا
آمين قولوا سامع الصوت وحضور=تحفظ حمـد والـدار يالله صنهـا
هذا وانا شاعر سعـودي ومغمـور=وما جيـت ادوّر للقصيـده ثمنهـا
حبيت أمسّي يا هل الخيـر بالنـور=يسعد مساء البحرين واللي سكنهـا

هذا وانا شاعر سعـودي ومغمـور=وما جيـت ادوّر للقصيـده ثمنهـا


صح السانك مليون