وصف الصورة شعرا"

[معلومات العضو ناصر بن فهد]

يالعنبوه الشاص الالفيـن واثنيـن=عـزالله ان المبدعيـن أبدعـوبـه
تساعدوا في صنعه أطلق خبيريـن=باشـراف عالـم مبتـداه ابتدوبـه
برافسـور مختـرع لـه براهيـن=فعله حصانه عن خطـاه ورسوبـه
حصل شهاده علم مع خبره سنيـن=وله جايزه نوبل زمـان محسوبـه
من عائلـه باالعلـم دايـم ملميـن=تاريخهـم باالعـلـم توارثـوبـه
أبـوه يابانـي سياسـي قوانيـن=في دولته يصـدر نظـام العقوبـه
ولأم نـازيـة موالـيـد برلـيـن=وخوال خاله من مواريـث كوبـه
صحيح ناقص لأن ماهو على الدين=عالـم وعلمـه مايكفـر ذنـوبـه
أما اختراعاته عللا الراس والعيـن=يشكرعلى أفكـاره ودقـه اسلوبـه
اصخر بصنع الجيب من قبل عامين=باالسـر حتـى دولتـه مادروبـه
لين انتجه وانتاجه ازين من الزين=رغـم اختـراع الغـرب تفاجؤبـه
من جودته له باالصحافه عناويـن=باالسوق ربح كـل مـن تاجروبـه
رجـح موازيـن وهبـط موازيـن=كل الدول باالبورصـه ساهموبـه
لاندكروزر اللـي تعشقـه ملاييـن=قبـل يجـي للشـرق تباشروبـه
من دولته جابـه وكيلـه بتأميـن=لدولـه آل سعـود ملفـاه دوبـه
آباصفه كله مـن يسـار ويميـن=لو ان في وصفه عليـه صعوبـه
بين كما ابو الهول مبنى الفراعيـن=كله حجـر مابـه حديـد وطوبـه
وبين المواتر سكبته تجلـي البيـن=سكبه زعيم ومحتفل فـي خطوبـه
واللون بيج وبويتـه مـن بلاتيـن=ضد الحراره والهـواء والرطوبـه
وحمار خطه مثل سيـل البراكيـن=والا حمار الشمس حـزه غروبـه
وكبوته أنحف من حجم بديه شوين=ورفارفـه متناسقـه مـع جنوبـه
وماطور صماماته أربع وعشريـن=وبخاخ مصروفـه يقنـن شروبـه
ومساعدات أربـع وقـدام ياييـن=ودفرنس وفريـول يحـرك كعوبـه
وونشين سحب ويسحبن وزن طنين=وهزاز يمنع باالصحـاري نشوبـه
سلعـه ثمينـه للرجـال الثمينيـن=راع الوله يشريه لـو بـاع ثوبـه