محاورات الجدول الاول للتصفح فقط

[معلومات العضو شافي بن راشد النتيفات]

المحاورة الثانية بين الشعراء النداوي والشاعر نادر الوجود

النداوي

سلام الله سلام مايفوح الا بدهن العود =مطوق بالورد ونفحته جاوي وريحاني
على الشعار والجمهور ينصابي سليل الجود =على النادر نسوقه مكرم الخطار والعاني

نادر الوجود

هلابك يانداوي عد ماهبت هبوب النود=سلامن لك من الخاطر قبل لاينطق الساني
انا وقت الطلب ياصاحبي في الملعبة موجود=وفي كل الوازم دايمن حاضر وتلقاني

النداوي

لحيث ان الردي لامن تغيب ما عنه منشود =ليامن غبت نسال ونتطمن ياكحيلاني
ودام بك البقا ياصاحبي في دولة بن سعود = واهنيكم بعيد المملكة والراس طرباني

نادر الوجود

أنا ياصاحبي عارف مداك وعارف المقصود=وانا وستغفر الله كل شين ما بيخفاني
ترا حنا ذراها الغدى البارود والعبرود= مثل مزن السحاب الي يهل الوبل هتاني

النداوي

كفو والله وخطلان اليماني ماعليهم زود = عسى ربي يديم لك النعم ويعز الاوطاني
تقوله وانت في جنة رغد واللي تبي موجود = عسى ربي يطول عمر ابو متعب وسلطاني

نادر الوجود

زمان اول قبل حكم السعودي طار ومطرود=وربعي محتمين دارهم من كل خواني
وهذا فعلنا واضح علية العالمين اشهود=ويشهد كل عاقل والعرب قاصي مع الداني

النداوي

زمان أول تحول فعل ماضــي ماهــو بمـــردود=ولكن أنت وش سويت في هالوقت يافلاني
وأنا ربعي حزامي عزوتي هم سيفي المجرود=وكل يفخر بربــــعه علــى صكــات الأزماني

نادر الوجود

توقع لاتهور والكلام الزين يامجحود=تعوذ والعن الشيطن لاتقول انة اغواني
تبي صيد العرب ياصاحبي وتعود المصيود=انا قبلك وانت ابساقتي ترتيبك الثاني

النداوي

أنا فاهم وباخص وأتقن الحجه مع المارود= عسى ربي يقدينا على جزلات الالحاني
تقيمنـا دكاترة النبط والجـــود مالمــاجود=تمدح بالحكاوي والعرب تعرف بليهاني

نادر الوجود

ويازين السعة يامضيرالحقة على المفرود=ولاتنفع عصا موسى ولاخاتم سليماني
ترا فهم المعاني يانداوي ماعليك اتكود=ترا السان الرجل ياصاحبي لاصانة ايصاني

النداوي

ويازين اللــذي لاجنب دريبه علــــيه يعــــود=ليا من وعظـــــوه الطيـبـين يصيــر متفانـــي
ختام الملعبه صلوا عدد مامال غصن العود=على طه النبي والهاشمي من نسل عدناني

نادر الوجود

ترا كل السوالف مزح لاناقد ولا منقود=وكل الطيبين اشوفهم من حسبة اخواني
وختام السالفة يامرحبا عد الليالي السود=وعدد ماهل من وبل المطر من كل وداني