محاورات الجدول الاول للتصفح فقط

[معلومات العضو شافي بن راشد النتيفات]

المحاورة الثامنة تجمع الشاعرين الفضي والشاعر مسفر المصارير
الفضي

سلام الله عليكم ياهل الدار المقيمينى=تحيه با الكتاب المعتبرسنه ومسنونه
توكلنا على الله والهدف لابده ايبنى= وفيه نفوس مشحونه وفيه نفوس مغبونه

مسفر المصارير

هلا يا مرحبا ترحيبة أهل العز والديني = تراحيب الوفاء والطيب مضمونه ومصيونه
توكلنا على الله والله يعين المصليني = وراع الدين يالفضي لزوم ايسدد ديونه

الفضي

تلحنها ولحنها ولاكن ويش تلحينى =طريق الخير جنب الشر بس احيان مقرونه
عسى ربى يكافينا من اشرور الشياطينى=اضنك حاضرن خطبت مطوع يسحب اردونه

مسفر المصارير

تلحنا والحنها وعينك تنظر ابعيني = ودرب الخير له لونه ودرب الشر له لونه
جليل الملك رب الكون ما خلا المساكيني = وانا لي مذهبي والمذهب المشبوه من دونه

الفضي

ابحضرثنين اشهود وحط الموازينى=على شان الكلام اللى نقوله ما تغرونه
تحذفون الطراقى بس كل الحذف مخطينى=وبونيه سليمه غير ابو نيات ملعونه

مسفر المصارير

صديع الراس من يأخذ شهاده من مجانيني = لو أنا ما جهلنا فالكلام اللي تهذرونه
على سلم العرب ماشين ما نبرا المقفيني = حكيم الراي ما يشبه حكيمٍ ضاعت ظنونه

الفضي

ترى قلبك يضخ الدم فى وسط الشرايينى=توقع لاتعجل والكلام يبين مضمونه
انا لى مشكله من عام الاول فى فلسطينى=وخليت الجنايز كلها با القبر مدفونه

مسفر المصارير

ألا يا طير لا من صرت مكسور الجناحيني = تصبر والليالي بالقسى ماهي بمامونه
ليا منك عرضت المشكله وسط الدواويني = عسى المسؤل ينظر حالتك ويحط لك شونه

الفضي

ليامنك عرفة السالفه والزين والشينى=تصير النفس يا مسفرمن اللى صار ممنونه
يجيك العلم بكره مع مفسرة المضامينى=وغيرك عالمن تجهل حديثى يوم يقرونه

مسفر المصارير

مشينا معك فالسكه تروغ يسار ويميني = ولا نرضى عليك الميل كان القوم يرضونه
ليا ثقل الحمل خله وتحمله البعاريني = تجيبون الخبر ياصحابنا والا تودونه

الفضي

تفقد جرة السارى وصف الما عن الطينى=واليامنك عزلة الما تشوفونه تشوفونه
نحط المزح وسط الجد ياذيب السراحينى=مسامح ونت سامحنى وكلن ينقل اطعونه

مسفر المصارير

انا والحمد لله مبصر وعيني تقديني = لكن اللوم فاللي حبته ماهي بموزونه
ترى المزاح ماله خانةٍ وسط المياديني = عسى ربي يهني تاجر الفضه بمخزونه