راس ياللي تركز شياطينه

[معلومات العضو محمد الغريري]

المشاركة الأصلية كتبت بواسطة الحر

السلام عليكم ورحمة الله وبركاته


مساكم الله بالخير جميع


وعيدالله عليكم مبارك


هذي ابيات متواضعه توني قايلها ومناسبتها ان دوامنا كان ينتهي ليلة
العيد وخفت لايكون الشهر ناقص ويفوتنا العيد وقامت تطري علي الطواري والحمدلله
صبرنا والشهر صار تام وعيدنا مع شيباننا وجماعتنا

راس ياللي تركز شياطينه=اقضب ارضك وخل الوضع هادي
حالف ٍ في هوى النفس لاهينه=موتي اهون علي من تنقادي
راكب اللي ثمنها مغلينه=ماشراها شريطي وكدادي
من يبيها يجهز ملايينه=ويتعاقد مع برج الارصادي
طايره نوعها سابق ٍ حينه=خطة الفين وعشرين ميلادي
منوة اللي شقا باول سنينه=باول الدرب والهم منقادي
لاظلم الليل وارتاح ممسينه=باعتليها وانا ادل ميرادي
صوب عود ٍ خذا الطيب بيمينه=شوفته لاضحك ثالث اعيادي
وسط روض ٍ تمايل رياحينه=عند ذود ٍ على القفر معتادي
حول ربع ٍ لنا العز بانينه=فعلهم من قديمات واجدادي
والختام الشقي يالله اتعينه=بدل الهم يارب باسعادي

وسلامتكم

الشاعر : الحر

حول ربع ٍ لنا العز بانينه
.. .. .. .. .. .. .. .. .. فعلهم من قديمات واجدادي

صح الله لسانك ويسلم بنانك على القصيدة الجزلة

وعز الله انك من ربوعٍ عزيزين وغالين وكفوووووو كفووو


اخوك في الله

محمد الغريري

 

 

 

 

[معلومات العضو الحر]

ارررررررررررررررحب يا محمد

وصح الله بدنك

وماعليك زود والقلوب عند بعضها

ومرورك يشرفني ويشرف ابياتي