الَا.. يَا رُكْنــي ..الَهــادِي

[معلومات العضو الهاج ـري]

ماعاد لي من بعـد روحتـك غالـي=كل العرب صاروا بعينـي رخيصيـن
سيطر عليّ اليـأس ياصعـب حالـي=تشابهـت عنـدي جميـع العناويـن
تعبـت اردد فـي غيابـك سـؤالـي=وانشد (غيابك) كيف حال البعيديـن؟
العهـد لاتنسـاه يـا (راس مالـي)=الحـب ماينسـاه كـود الجحوديـن
تـرى غـلاك بخافـقـي لايــزالِ=يجري مع دمّي بوسط الشرايين
قبل الفـراق القلـب مرتـاح سالـي=واليوم دمعي ساكنٍ محجـر العيـن
اصبحت اسير الحزن مما جـرى لـي=في غيبتـك يابـو عيـون مزاييـن
ياما اجتمعنـا فـي المحبـة ليالـي=كنا بها بيـن البشـر اسعـد اثنيـن
ايام كـان الوصـل سهـل المنـالِ=واليوم وينك ياحبيبي . . وانا ويـن؟
خذتك (نجد) . . وغبت واشغلت بالي=واصبحت من بعدك كسير الجناحين!!!