إنجلترا بهذلت قلبي حواريها

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة فهد الغريري

فـي غربتـي مالقيـت أحـدن يلاحيـنـي=(وإنجلتـرا) بهـذلـت قلـبـي حواريـهـا
هــمٍ يـسـاري وهــمٍ عـــن ميامـيـنـي=تقبـل وتقفـي علـى كـبـدي وتشويـهـا
هـذا وأنـا غربتـي ماغـيـر شهريـنـي=وشلـون لـوهـي تـطـوّل بــي لياليـهـا
ياطايـره وإن نويتـي اللـيـل تسريـنـي=أخـذي رسالـه إلـى المجـمـول ودّيـهـا
ردّي سلامـي عـلـى بــدر المزاييـنـي=غروٍ من أجله إدموع العين مصخيهـا
أحسبتـنـا البـعـد مـــن داره يسلّـيـنـي=وأثـر المحبّـه تـزيـد بـبـعـد راعيـهـا
غــلاه يكـبـر ومــع الأيـــام ينهـيـنـي=حـبٍ وغربـه جمـيـعٍ وش يناحيـهـا؟!
لاجيت أغبّي يهيض الشـوق وإيبينـي=عيـب المـودّه تبيـن إبـوجـه مخفيـهـا
الله يـصـبّــر خـفـوقــي يامـظـانـيـنـي=إلـيـن أغــادر ثرى(لـنـدن) وأخلّيـهـا
يسقى ليا من وصلنا (مفرق الريني)=ترتـاح نـفـس المـولّـع مــن بلاويـهـا
أشوف ربعي ومن هـم لـي عزيزينـي=والعيـن تفـرح نهـار إتشـوف غاليهـا
نلفي علـى ديـرةٍ تسـوى نظـر عينـي=ياوجـد حالـي علـى شوفـة ضواحيهـا
وجــود منـهـو حبـيـسٍ فـالزنـازيـنـي=عشـريـن عــامٍ ولـحـدن زاوره فيـهـا
دار الـقـروم الشغـامـيـم السلاطـيـنـي=(آلاد شــكــرٍ) عـريـبــاتٍ مـجـانـيـهـا
(آلاد شـكـرٍ) هــم إكـعــام المعـاديـنـي=صــوارمٍ فـالـلـقـا تـــروي شلافـيـهـا
ذبّاحـة الحيـل يـوم إنّ الدهر شيـنـي=مهـوب يـوم العـرب فاضـت مخابيـهـا
يـفـرح بـهـم هـاشــلٍ ذاق الأمـرّيـنـي=والجـار يـامـن إبـقصرتـهـم ويغليـهـا
والفخـر والله بحسـن الخلْـق والدينـي=وألاّ المظاهـر مصيـر المـوت ملغيـهـا
يوم القيامـه عقـب نصـب الموازينـي=أنسـابـك إبتنقـطـع لـوكـنـت زاكـيـهـا
(أبوجهـل) فـي جهـنـم مـالـه إمعيـنـي=(وأبولهـب) تبّـت إيديـه ووقــع فيـهـا
(وبلال وصهيب) فالفردوس طربينـي=رافعـهـم الـديـن فــي عـالـي مبانيـهـا
تمّـت وأنــا طالـبـك يــاربّ (ثنتيـنـي)=تحسـن لـي الخاتمـه والجنـة أرجيـهـا

وعليكم السلام ورحمة الله وبركاته

الاخ العزيز الغالي والشاعر المجيّد " برق الجنوب "

ابــــــــــــو فــــــــــــــــهـــــــــــــــــــــــد

يشهد الله اني منذ شهرين وانا ادخل قسم الابدعات الشعريه

وارى هل نزل الشاعر برق الجنوب قصيده واقول عسى المانع خير

واليوم كاالعاده دخلت منتدى الابداعات ورايت البرق يظرب بقوه

بالمعاني التي تخطف الابصار.

" إنجلترا بهذلت قلبي حواريها "

ابوفهد يشهد الله انك اعجزتني وكبلتني بهذي القصيده النايفه

ابوفهد صح الله السانك وعتلا شانك وزادك الله من مناهل فضله

قصيده ذات انسياب في المعاني وطراوه في المنطوق وغزاره

بما تحتويه من الحكم تمتاز بسهولتها وعذابة كلماتها بمجرد قراتها

تنساب معها وانت لا تعلم الى وانت في نهايتهامن جزالت ماتحتويه .

وهذي القصيده اتت من شاعر متمكن سواء في النضم او اختيار اجزل الكلام

وشهاتي مجروحه فيك يابوفهد.

وعز الله انك عرفت من تختار من الرجل بدون قصور بالاخوان

"هديبان بن عبدالله الشكري"

هذا الرجل الذي عرفته عن قرب وكان لي الشرف الكبير بمعرفته.

فكلماتي تعجز وتصغر امام ابوعبدالله جعله يحيى.

ابوفهد اسأل الله رب العرش العظيم ان يبارك في فكرك واحساسك

لكي تتحفنا بما هو جديد من عذب قوافيك.

ابوفهداكرر شكري وتقديري واحترامي واعجابي واعتزازي في شخصك..

اخــــوك الذي احبك في الله والذي يسأل الله ان يجمعنى في مستقر

رحمته وان يضلنا تحت ضله يوم لا ضل الى ضله في ذيك الساعه.

فهد بن هـادي الغريري

الشاعر العلم : برق الجنوب

صح الله لسانك وإعتلا شآنك دنياً وآخره

قصيدة فوق التقييم وشاعر في غنى عن التمجيد والمدح

فأنت شاعرٍ علم ومعروف ومن لابةٍ معروفه ويستاهلون المدح

ولاأحد بلايمك في ربعك لاذكرتهم عقب إنجلترا

تقبل ودي وتقديري

محب الجميع : دغش البطي

 

 

 

 

[معلومات العضو ابن وتيد السباعي]

دار الـقـروم الشغامـيـم السلاطـيـنـي = (آلاد شــكــرٍ) عـريـبــاتٍ مجـانـيـهـا
(آلاد شـكـرٍ) هــم إكـعـام المعـاديـنـي = صـــوارمٍ فالـلـقـا تـــروي شلافـيـهـا
ذبّاحـة الحيـل يـوم إنّ الدهـر شيـنـي = مهوب يـوم العـرب فاضـت مخابيهـا
يـفـرح بـهـم هـاشــلٍ ذاق الأمـرّيـنـي = والجـار يـامـن إبقصرتـهـم ويغليـهـا

كفوا انشهدنهم كفوا


صح لسانك مليوووووووووووووووووووون
شاعر جزل من طراز خاص واختيار في المفردات اكثر من رائع


لاهنت يا برق الجنوب والصراحه انت مكسب للمنتدى واهل المنتدى عسا عمرك طويل


اخوك/ابن وتيد

 

 

 

 

[معلومات العضو الواضح]

ارررررحب



ارررررحب



يافراج


وصح الله لسانك ولاهان الله منطوقك


وطولت علينا جعل عمرك طويل



لكن إذا كان بيعقب الغياب مثل هذي فمقبولة ذا المرة



مرة أخرى مشكور أبو فهد على ذا الشامخه بشموخ قايلها

 

 

 

 

[معلومات العضو محمد الغريري]

دار القروم الشغاميم السلاطينـي = آلاد شكرٍ) عريبـاتٍ مجانيهـا
(آلاد شكرٍ) هم إكعام المعادينـي = صوارمٍ فاللقا تـروي شلافيهـا
ذبّاحة الحيل يوم إنّ الدهر شين = مهوب يوم العرب فاضت مخابيها
يفرح بهم هاشلٍ ذاق الأمرّينـي = والجار يامن إبقصرتهم ويغليهـا

كفووووو والشكره يستاهلون المديح و هم اهل العلم الغانم


وصح الله لسانك يا برق الجنوب شاعر اشهر من نار على علم والى الآن وانا ارددها

من الظلم ان يبقى شاعر كبير بحجمك خلف هذا الاسم المستعار ..!!!!!!!!


ويعطيك العافيه يا برق الجنوب على الجزلة التي لا تأتي الا من شاعر جزل مثلك ..


تقبل تحياتي ..



اخوك في الله

محمد الغريري