سر يا قلم ما لي على الصبـر طاقـه=صبري تعدى الحد ماعـاد ينطـاق !
أكتـب لمثلـي قصتـه وأشتيـاقـه=في خطك الواضح على بيض الأوراق
قصـة حزيـنٍ صـادق المـر ذاقـه=أليا ذكرت فصولهـا خاطـري ضـاق
باقوبـه الأصحـاب والوقـت باقـه=وصار الضحيه بيـن بايـر وبـواق
يمشي وهو ما حس في كسـر ساقـه=أمسى على ساقين وأصبح على ساق !
لا شك يا مـن معـك عقـل ولباقـه=أبنصحـك كانـك للأمثـال تشـتـاق
صـادق رجـالٍ يعرفـون الصداقـه=يقفون صفك يـوم يبسـات الأريـاق
ومن يرغب أفارقـك فعجـل أفراقـه=جاز الذي يجازيـك الأفـراق بفـراق
يقولـه اللـي جايـر الوقـت عاقـه=ولازال في غيبوبة الهـم مـا فـاق !
حظه على أقشر شي للنفـس ساقـه=في قبور الأحيا ينتظر يـوم الأطـلاق
الشاعر الكبير// بندر سرور انشهد انه شاعر
صح لسانك ولسان الشاعر على هذه القصيده الجزله والتي في غنا عن شهادتي
لك خالص الود وفائق الاحترام
اخوك/ابن وتيد
25-12-2005, 08:18 AM
العرض المتطور
المواضيع المتشابهه
