الكبر لله يا راعي الغرور

[معلومات العضو فهد الغريري]

هـاض بالخاطـر مـثايل ما تـبـور = هيّض الخاطر ما شافه و اوجعه
و جبت قاف مسطرٍ فوق السطور = دوك يالمعني طاروقي و اسمعه
خلقنا من طين في تسعة شهور = و ما خِلِقت من الذهب او فربعه
الِـكـِـبر لله يـا راعـي الـغــرور = و من تـواضــع لـلاله بـيـرفـعـه
لـلـزمن مـيلات و الدنيا تدور = و من فرح باليوم باكر يفجعه
احتسـب يومـن نوَرّد للـقـبور = وقت ضيق اللحد من عقب السعه
يوم لا ينجي لا مال و لا قصور = و النسب للعبد ما هو ينفعه
كود يالمسلم زياده فالاجور = في طويل الدرب زادٍ و امتعه
فاقرع النفس الدنيّه يا جسور = لا تجي في قولة الله يقلعه
شوم نفسك عن تدانيس الامور = و ذبّ للعليا جبلها و اطلعه
و اخفض النفس و تعامل بالسرور = ما عطاك الله .. قادر يمنعه
همّتك بالله لا يصيبك فتور = كـن كـمـا حـرٍ مـفـرّع بـرقـعـه
اعمل لدنياك كنــّك ما تبــور = كنـّك مخلّد و مالك تجمعه
و اعمل لأخراك يا كنّك تزور = بيت خلٍ و الصباح موذّعه
و طالبك يالله يالعدل الغفور = يا مشيد الكون و زود موسّعه
تغفر لعبدك ذنوبٍ كالبحور = تمحي السيّه بحسنه و يتبعه
روح و ريحانٍ و جنات و حور = و الامان بيوم كرب و معمعه
و الختم صلوا عدد ما شق نور = او عدد تغريد طيرٍ نسمعه
او عدد ما نبت من ورد و زهور = عالشفيع محمد و صحبه معه

العزيز الغالي والاخ الفاضل والشاعر الماجد ابو مشنان " فراج بن مشنان "


ارررررررحب تراحيبةٍ تنبع من قلب واحدٍ يحبك ويغليك والله اني صادق


من طول الغيبات جاب الغنايم ياعشر المناعير


حيه وحي ماجاب

ابو مشنان لقد تشرفة بسماع هذي القصيده الرنانه التي ينبع بين ثنياها كل


الحكم والمواعظ منك مباشره واليوم اقراءها من خلال هذى المنتدى المبارك


واقول ما شاء الله تبارك الله واسأل الله ان يهنيك في عمرك يابومشنان


واقول عز الله انك وافي في اخوانك بما تحمل من جزل القصيد


صح الله السانك وعتلا شانك زوادك الله من زوايد فضله التي لا تنقضي


وافي وافي يابومشنان على مابديت من معاني وحكم بين ثنايا هذي القصيده العصماء


وننتظر جديدك المميز يابومشنان بفارق الصبر


وتقبل مني فائق التقدير والاحترام في مقامك العالي ياكحيلان


اخوك / فهد الغريري,,

 

 

 

 

[معلومات العضو فراج بن مشنان]

المشاركة الأصلية كتبت بواسطة فهد الغريري

العزيز الغالي والاخ الفاضل والشاعر الماجد ابو مشنان " فراج بن مشنان "


ارررررررحب تراحيبةٍ تنبع من قلب واحدٍ يحبك ويغليك والله اني صادق


من طول الغيبات جاب الغنايم ياعشر المناعير


حيه وحي ماجاب

ابو مشنان لقد تشرفة بسماع هذي القصيده الرنانه التي ينبع بين ثنياها كل


الحكم والمواعظ منك مباشره واليوم اقراءها من خلال هذى المنتدى المبارك


واقول ما شاء الله تبارك الله واسأل الله ان يهنيك في عمرك يابومشنان


واقول عز الله انك وافي في اخوانك بما تحمل من جزل القصيد


صح الله السانك وعتلا شانك زوادك الله من زوايد فضله التي لا تنقضي


وافي وافي يابومشنان على مابديت من معاني وحكم بين ثنايا هذي القصيده العصماء


وننتظر جديدك المميز يابومشنان بفارق الصبر


وتقبل مني فائق التقدير والاحترام في مقامك العالي ياكحيلان


اخوك / فهد الغريري,,

تبقى يابو راشد ,,

و يعلم الله ان الغلى و المحبه متبادله ...

و الغنيمه هي قرائتك و مرورك على هذه القصيده المتواضعه من خلال هذا الصرح المبارك ..

و القصيده و راعي القصيده هم اللي كان لهم الشرف بان تسمعها و يقراها المطاليق شرواك ...

اقول يابو راشد صح الله بدنك ,, و اعلى الله شانك ...

اسعدني كثيرا تواجدك في متصفحي المتواضع و شرفني تعقيبك ..

شاكر لك جزيل الشكر على ماخطت اناملك بما الذهب في هذا المتصفح ..

لك كل الود و صافي المحبه اخي الكريم ...