المجاهيم وماقيل فيها من شعر

**معلومات** **العضو** · 15-06-2010, 05:01 AM

لا والله الاّ شدوا البدو مقفينينوون دارٍ وسمها وابله جود

جاهم صدوق العلم قدهم مندّينوأقفوا بقطعانٍ تواصيفها سود

إبلٍ مجاهيمٍ تحوز الحلا زينما فرّطوا فيها على العسر والكود

سودٍ كما الغربان أو كحلة العينقدمي شحمها كنّه نصال ولهود

فج المناحر والغوارب ذراعينوالورك باب القصر ومنط¸â‚¬وفته زود

وإذنين مثل حراب جند السلاطينوالعرف يا سبحان من صاغه جعود

ما تلحق الخضره من سبالها لينقد للعرب شهرين من زمة العود

لا قرّبوا منها مع القدر قدرينفاضت ويبقى في مواخيرها زود

وإلى تكلّم من هواها بصوتينتكسر له الحقّه له الشوف مشدود

زين إرزمتها حزة الناس ممسينتنهض صغيرٍ تالي الليل مالود

واليا تخطّا من عقب وقم يومينما عاده من الشد والسير مضهود

شدوا على شف المجاهيم عجلينما قهقروا الطرعات بشبوك وقيود

واليا وصلوا قاعٍ تشوق المفلينصفّارها يلعب إلى هبّته نود

بنّوا بيوتٍ كنّها زرع يبرينوطقّوا لمنزلهم من الذود مفرود

وشبّوا هشيمٍ ما توهجم ببنزينودنّوا دلالٍ تحتوي الهيل والعود

وتحدّثوا من ذودهم والحشاوينومسراحها والكسب والفال محمود

من صوت جرّتها فراحا وطربينتدحن منارتهم غواليّها السود

ذاك الزمن والبدو مثل السلاطينما حسّبوا للمال والنقص والزود

الله يحب اللي يحب البداوينواللي نساهم ميّت الحظ مقرود

ياناصر الفوز مافي خانته منهدام المجاهيم ذودك وانت راعيها

مهما يقولون الاول لك يجيبنهسودا قليلن من البدوان يقنيها

راع النظر في نهار العرض يرضنهويقول يسلم نظر من هو تعب فيها

شروى ابو راشد وابن مرسان يزهنهسودا من الزين رب الكون معطيها

من ظن في ابله وجاها يختلف ظنهذود ابن مرسا ن من يقدر يماريها

يزهن شيخا رصيد المال ماحنهلعيون سندن تنومس راس مغليها

ناصر ذخر من ظروف الوقتحدنه في ساحه الطيب وقفاته معليها

اتعب نفوسن على الطولات جارنهعسى سنينهط¸â‚¬ويله بامر واليها

شيخ الكرم ولوفاء والدين والسنهمواقفه خالده والنعم كاسيها

يوم المجاهيم حلو الشعر شاقنهفي مزاين موحد الدوله وبانيها

مداهيل حلوات اللبن خلقة الرحمانمجاهيم سود خالق الكون مسويها

مجاهيم جاذبها الفحل والوجيه زيانوساعٍ مرافقهاط¸â‚¬والٍ خطاويها

جليلات عظم الساق مرفوعة الحجانطوال الرقاب مشرهفات أذانيها

عراض الخدود اللي تماري بها البدوانكبار الفقار موسعة صدر راعيها

مجاهيم رمليات لخشومها نيشانترافض بلا دمها حدادٍ نواصيها

هوى القلب خطوى نايفة والضلوع متانتجي بالحلا والزين وترد به فيها

كبيرة مزر الورك فجحا من السيقانتخنطل قوايمها كبارٍ مواطيها

تمايح بذبلٍ مثل دراهة القراننهار الطرب هذا لهذا يوديها

لها غاربٍ متقدمٍ شامخٍ مليانيدافر حباك العيز والعيز حاليها

وساع منادغها من الزور للكعيانبها كل شيٍ زين والملح غاشيها

طموحٍ تحذف أشناقها واسعة بيعانفروعٍ فتون البيد عسمٍ أياديها

ولا رايعت كن المعنق على رمانتعوجه من العاتق خفوقٍ لواحيها

سنودٍ من الغارب فسيحة من الذرعانعسى ربنا من شر خلقه ينجيها

وهناك بقيه

**معلومات** **العضو** · 15-06-2010, 05:33 AM

مايصير تحط قصايد في الوضح والمجاهيم ( ابل العرب

) ماغير قصيدتين

فيه بيت احفظه لخالد بن مدعث يقول :

سودً على قطع التخاتخ مضراهوسود البكار لغير اهلها اعقوبه

و شلعان بن ظافر الله يرحمه يقول :

مداهيل حلوات اللبن خلقة الرحمانمجاهيم سود خالق الكون مسويها

مجاهيم جاذبها الفحل والوجيه زيانوساعٍ مرافقهاط¸â‚¬والٍ خطاويها

جليلات عظم الساق مرفوعة الحجانطوال الرقاب مشرهفات أذانيها

عراض الخدود اللي تماري بها البدوانكبار الفقار موسعة صدر راعيها

مجاهيم رمليات لخشومها نيشانترافض بلا دمها حدادٍ نواصيها

هوى القلب خطوى نايفة والضلوع متانتجي بالحلا والزين وترد به فيها

كبيرة مزر الورك فجحا من السيقانتخنطل قوايمها كبارٍ مواطيها

تمايح بذبلٍ مثل دراهة القراننهار الطرب هذا لهذا يوديها

لها غاربٍ متقدمٍ شامخٍ مليانيدافر حباك العيز والعيز حاليها

وساع منادغها من الزور للكعيانبها كل شيٍ زين والملح غاشيها

طموحٍ تحذف أشناقها واسعة بيعانفروعٍ فتون البيد عسمٍ أياديها

ولا رايعت كن المعنق على رمانتعوجه من العاتق خفوقٍ لواحيها

سنودٍ من الغارب فسيحة من الذرعانعسى ربنا من شر خلقه ينجيها

اشكرك على المواضيع المميزه اللى دايم تتحفنا بها

**معلومات** **العضو** · 15-06-2010, 10:26 PM

ههههههههههه
مامنك فكه يانايف انا كاتب باقي قصائد
وتستاهل المجاهيم واهلها

**معلومات** **العضو** · 16-06-2010, 12:04 AM

ياحي المياهيم واهلها

وصحت السنتهم اصحاب هالقصايد

وتسلم يمناك يابومطر على اختيارك الرائع

لاهنت

**معلومات** **العضو** · 17-06-2010, 05:20 AM

هلابك اختي الذيبه وشاكر لك مرورك
وتستاهل المجاهيم واهلها

**معلومات** **العضو** · 17-06-2010, 01:28 PM

لاهنت ياخميس

ليه ماتجيب المجاهيم وبعدها تجيب قصائد المغاتير

وهناك قصائد كثر

واذكر بيت من عرض قصيده لوالدي

يقول سود مجاهيم على فخوذها كيزان

اهلها جنب خلفاتهم والبن ماهم

لاهنت ياخميس

**معلومات** **العضو** · 17-06-2010, 01:51 PM

صح الساااانك ابو مطر

وبيض الله وجهك على اختيار القصائد

الرائعه في المجاهيم وتستاهل المجاهيم

ولاتهون المغاتير,,,,

ولاهنت يا ذيبان

**معلومات** **العضو** · 18-06-2010, 03:14 AM

اقتباس:

المشاركة الأصلية كتبت بواسطة محمد بن سالم الخضراني

لاهنت ياخميس

ليه ماتجيب المجاهيم وبعدها تجيب قصائد المغاتير

وهناك قصائد كثر

واذكر بيت من عرض قصيده لوالدي

يقول سود مجاهيم على فخوذها كيزان

اهلها جنب خلفاتهم والبن ماهم

لاهنت ياخميس

ياخوك مابعد استوى الغارب والسنام

وعطني قصيدة الشايب خلني اضيفها
لاهنت يابوسلووووم

**معلومات** **العضو** · 18-06-2010, 03:16 AM

اقتباس:

المشاركة الأصلية كتبت بواسطة دغش محمد الصخابرة

صح الساااانك ابو مطر

وبيض الله وجهك على اختيار القصائد

الرائعه في المجاهيم وتستاهل المجاهيم

ولاتهون المغاتير,,,,

ولاهنت يا ذيبان

ووجهك ابيض يابوسعود
ولوى الخوف كان سويت شي اكثر

تحياتي وتقديري

**معلومات** **العضو** · 31-08-2010, 07:33 PM

بيض الله وجهك ابو شيخة على هذا الموضوع الرائع وصح السان الشعار في المجاهيم عطايا الله..

تحياتي وتقديري~ْ،

**معلومات** **العضو** · 01-09-2010, 12:11 AM

بيض الله وجهك يابومطر
وكثر الله من امثالك عزالله انك وافي ولافيك قصور
وجعل ذا طبعك ونا من ربعك
تقبل مروري

**معلومات** **العضو** · 02-09-2010, 05:40 AM

ابوفهد وابوضيدان
مرحبا بكم والله لايهينكم وتستاهل المجاهيم واهلها
تقديري لكم

**معلومات** **العضو** · 29-11-2010, 11:33 AM

ماشاء الله تبارك الله

موضوع رررائع وصح لسان الشعراء ولاهنت يابوشيخه على الموضوع

والله يرزقك بذود من المجاهيم

وفي ذمتي تستاهل المجاهيم واهلها

**معلومات** **العضو** · 25-04-2011, 04:36 PM

مشكووووووووووووووووووووووووووووووووووووووووور

**معلومات** **العضو** · 23-05-2011, 05:13 PM

صح الاسانك ولد الوداي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية