وقعة (بقعا) المشهورة 1257هـ

[معلومات العضو العماني]

اشتهرت هذه الوقعة من بين الوقعات التاريخية في الجزيرة العربية،ولعظمها وشدة هولها ذهبت مثلاً وهذا ملخصها:

أغار غازي بن ضبيان رئيس الدهامشة من عنزه على ابن طواله من شمر فأخذ منهم ابلاً وأغناماً لأهل حائل،فلما علم عبدالله بن علي ابن رشيد أمير الجبل أغار على غازي وعربانه فأخذ منهم ابلاً كثيره.

فغضب لهم أمير بريدة،لأن غازي شيخ الدهامشة من أهل القصيم ،فنادى أمير بريدة في الحرب على ابن رشيد،وكان أهل القصيم قد اتفقوا فيما بينهم لمحاربة كل من يقصدهم بعداوة مهما كانوا،وأجمعوا على حرب ابن رشيد،فجهز يحيى بن سليمان بجنود كثيرة من أهل عنيزة واتباعهم ،وتجهز عبدالعزيز أمير بريدة بأهل بريدة وجميع بلدان القصيم ومن معهم من عنزه،واجتمعوا على موضوع ماء ،يسمى ((بقيعاء))ومعهم حلفاء واتباع،فأغاروا على شمر ،فأخذوا منهم أموالاً كثيرة من الابل والغنم والأثاث.
فقال يحيى أمير عنيزة لعبدالعزيز أمير بريدة .دعنا نرجع فهذا العز والنصر كفاية ،فأقسم عبدالعزيز أن لا يرجع حتى يقاتل ابن رشيد في بلده حايل،فساروا الى الجبل،ونزلوا ((بقعا)) المعروفة في جبل شمر فخرج اليهم أهلها ،فأمسكوهم عندهم ،ونزلت عربان عنزه على ساعدة الماء المعروف عند (بقعا) فلما علم بذلك عبدالله ابن الرشيد ،أمر أخاه عبيد العلي الرشيد وفرسان معه وأمرهم ان يغيروا على عربان عنزه،فشنوا عليهم الغاره قبل الفجر ،فحصل بينهم قتال عظيم،مرة يهزمونهم العربان،ومرة يهزمهم عبيد وأتباعه.
هذا كله ويحي وعبدالعزيز لا زالوا ينتظرون في بقعا الى طلوع الشمس،فلم يأتهم أحد وصارت الهزيمة على أصحابهم.
ففزع أمير عنيزة يحيى بن سليمان بالخفيف من الرجال وأهل الشجاعه على أرجلهم فلما وصلوا فاذا بعبدالله العلي الرشيد ومعه باقي جنوده قد ورد عليهم مع أخيه عبيد ،فانهزم عربان القصيم ،لا يلتفت أحد على أحد،تتبعهم خيول شمر يأخذون من الابل والغنم ،وتركوا يحيى بن سليمان ومن معه في مكانهم،لا ماء معهم ولا ركايب،فلما رأى عبدالعزيز أمير بريدة هروب أهل القصيم هرب ومن معه وركبوا ركائب يحيى أمير عنيزه ورفاقه ،وتركوهم ،ثم وقع القتال بين يحيى وابن رشيد اسر في نهايتها يحيى ثم قتل ،وقد قتل في هذه الوقعة كثير من أهل القصيم ووجهائهم وتجارهم،وغنم فيها ابن رشيد كثيراً من المال والسلاح وذلك سنة 1257هـ.

وبعد الوقعة انشد عبيد الرشيد هذه القصيدة:

يا  من   لقبٍ   فيه   تسعة   وتسعينهجسٍ    وهاجوس    وعدل     ومايل

يديرهن    دولاب     الأفكار     تسعينبالصدر     ينشر     دقهن     والجلايل

اصحبت   منهن   خالي    كود    ثنتينسعدى    ومصقولٍ    يداوي    العلايل

وخماسين    غمقٍ    صوابه    وجوزينليا   جذبوه   شروا    بروق    المخايل

يا   درانا   من   جاك   جيناه    عجلينبالليل    نسري    والصفر    والقوايل

فان   كانهم   عنا   بالانشاد    محفينمن  الراس  ما  يحتاج   رد   الرسايل

حضر  الجبل   والبدو   نلحق   صليبينيتلننا      حملات      سود      الجدايل

جينا    صباح    وهم    لنا    مستكنينوثار  الدخن  من  حر  صلوى  الفتايل

وحصل لنا عقب المواصل وفى  الدينوراع   السلف   رده   عليه    الجمايل

ومن فضل رب العرش عدل الموازينصارت على (القصمان) واولاد  (وايل)

عجاجة  تجلي  صدى  قلبي   يا   حيندبيلةٍ       ما        مثلها        بالدبايل

كم    خيرٍ    داجوا    عليه    الغلامينخلوا    دماغه    عن    علابيه    سايل

ربعي   مروية    السيوف    المسانينخلوا    صفا    بقعان    بالدم    سايل

واللي ذبحت  بشذرة  السيف  تسعينايضا   ولاني   عن   طريدهم    بسايل

ذبحت  ابو   صالح   طعوط   المجانينودعيت   دم   الشيخ   بالقاع    سايل

واللي   وطينا   ما    نشوفه    محبينوالكذب    تنفاه    العلوم     الصمايل

جيته  بمقدم  سربة   ٍ   وقم   الألفينكن   الشهر   به    ديدحان    المسايل

جونا      يبون      ديارنا      والبساتينويطرون    منزلهم     قفار     وحايل

يقولون  جده  يوم  صولة  هل   الدينقادوا     عليها      ذاهبين      الحمايل

ودلى  على   ربعه   يسوق   الفرامينفيد      عماهم      تايهين       الدلايل

ويصيح  مثل  البارحه   ما   هنا   شينولا   حصل   ياكود    قطع    الوصايل

واليوم      يبغونا       وحنا       معييننسند  بحد  السيف   من   جاه   عايل

واذا   عطوا   حق   الدايار    الهزازينفحنا   الى   عدت    رجال    الحمايل

ربعي  على  حرب  المعادي  ضريرينهم   من    قديم    كاسبين    النفايل

أغراه   بالمكحول    خضر    الفراقينوعرضاتهم      بمشورفات      النثايل

أطاع    حكي    الذايدي    والسلاطينوكم   واحدٍ    قبله    رمي    بالحبايل

ناسٍ    يبون    العز    منهم     ذليلينويش شقول (مشعان) بهم الأوايل(1)

عند   أهله   اللي   يلبسون    التوامينلا    جذبوا    شروا    بروق    المخايل

يتلون  عيد  الصيف  ريف   المساكينالشيخ  (ابو  متعب)  عزيز  النزايل(2)

إلى  سلم  راس  الشيخ  حنا  عزيزيننرجيه  من  معطي  العطايا   الجزايل

الى   بغى   أمرٍ   مايطيع    المشيرينللحيد     شيال     الجمول      الثقايل

وصلوا على  قنديل  سكنى  الحجازينراعي   المقام    المعتلى    والرسايل

مني  عدد  ما   شمع   اللبن   بالطينوما    لبيت    الله    تشد     الرحايل.

1-مشعان:مشعان بن هذال
2-أبو متعب:عبدالله العلي الرشيد أمير الجبل وقايد المعركة.

واسمحلونا على الاطالة ،وسلامتكم،،،

 

 

 

 

[معلومات العضو نايف]

لاهنت يالعماني تسلم يمينك وبيض الله وجهك على المجهود الطيب وفي انتظار جديدك ,,,,

 

 

 

 

[معلومات العضو أبوفهيد الودعاني]

ما من إطاله يالقرم

بيض الله وجهك على القصه المشهورة

ولا عدمناك

تحياتي ،،،

 

 

 

 

[معلومات العضو محمد ال بو زمام]

السلام عليكم ورحمة الله وبركاته


بيض الله وجهك لاهنت

 

 

 

 

[معلومات العضو تركي ال فنيس]

بيض الله وجهك يالقرم علي المعركه المشهوره

 

 

 

 

[معلومات العضو بن مشخص المسعري]

لا هنت يالعماني
وبيض الله وجهك على مجهوداتك الرائعه بالمنتدى
تقبل تحياتي
ابن مشخص

 

 

 

 

[معلومات العضو سعد المقابله]

الله لايهينك

وموضوع رائع

 

 

 

 

[معلومات العضو مسعود المقيبلي]

لاهنت اخوي العماني على القصه الجزله

 

 

 

 

[معلومات العضو محمد الغريري]

بيض الله وجهك يا بو مبارك


موضوع رائع في الحقيقة سجل اعجابي


اخوك في الله

محمد الغريري

 

 

 

 

[معلومات العضو فهد الغريري]

لاهنت يالعماني على العلوم الطيبه يالقرم

مثل ماقالو الطيب ماجيب الى الطيب جعلك تحيى وتسلم

تحياتي,,,

 

 

 

 

[معلومات العضو العماني]

حياكم الله جميع وتسلمون على المرور

تقبلوا تحياتي،،