يا نــواف الرجباني ... على الظالم نقول الله اكبر

[معلومات العضو فراج بن مشنان]

نواااااف يا نواف ..

استلم طال عمرك و عمر القاري و السامع ..


توقّع لا تطيرني للافلاج
و لو هي فوق راسي جوهر و تاج
علومك ضايعه يبغى لها علاج
و على الظالم نقول الله اكبر ...

الرخوم و لو بدَلت في ريشها و الحوم = نميزها و نعرف رديات افعالها
و انا حملي على الله ماني بكم بملزوم = لا صرت بالحيله تبهر لها دلالها

 

 

 

 

[معلومات العضو الشكري]

يا مال طولت العمر يا ربعنا

الله لا يهينكم يابو شجاع وبو مشنان

وصح الله لسانكم وطول الله في عماركم


وانا معكم

الله يعطيكم العافيه

 

 

 

 

[معلومات العضو -${قليب الذيب}$-]

االله الله بيض الله وجيهكم

وصح لسان الشاعرين والله لا يهينهم


أبن مشنان

والرجباني

على ما قدموا لنا من قصائد

ونرجوا منهم المزيد المزيد إنشاء الله

أخوكم
-${قليب الذيب}$-
bandornet@hotmail.com

 

 

 

 

[معلومات العضو محمد بن الأشيب الغريري]

قويه من البدايه

المزيد المزيد انا من صفوفكم

يامال العافيه والقوه لبو مشنان ونواف

واصلوا نفداكم ..........

 

 

 

 

[معلومات العضو فراج بن مشنان]

الشكري
قليب الذيب
و ابن غرير ...



الله يعافيكم و يقوّيكم ,, و الله انها ابرك الساعات و جودكم معنا ..

و ترى اللعب ما يزين الا بصفوفكم ..
تحيزموا و شدّوا حيلكم .. لا خلا و لا عدم ..

 

 

 

 

[معلومات العضو ابن هديهد]

الاخوان الشعار احييتونا الله يحييكم ويطول عماركم

لاهنتو الصفوف جاهزه وينكم

اخوكم راعي مكحوله,,,,,,

 

 

 

 

[معلومات العضو محمد الغريري]

زانت علومكم ..


وزان معها اللعب والصفووووووف




اخوكم في الله

محمد الغريري

 

 

 

 

[معلومات العضو ابوشجاع]

الله لايهين من شاركنا وشرفنا


تراني عارف(ن)ساسك وعدّك

وليامنك عكست الدرب اردّك

مردّك دار ابوك ودار جدك

على الظالم نقول الله واكبر

الحر وكره على مشرافها والرجوم=والاّ ام سالم تحب القاع عزّالها
بعض العرب خادم وبعض الرجال مخدوم=قد قالها راعي الالغاز وامثالها

 

 

 

 

[معلومات العضو فراج بن مشنان]

يا مرحبا و الله بخواني ..

ابو ناصر
و محمد ...
شرفتونا لا خلا و لا عدم ...

 

 

 

 

[معلومات العضو فراج بن مشنان]

ابطيت علينا يا نواف .. عسى المانع خير ان شاء الله ..

استلللللم ...


انا ساسي عريبٍ عمن و خال
كلام الصدق ما هو حكي ينقال
بنينا عز ما يطري على البال
و على الظالم نقول الله اكبر ...

الحر يشرى و يباع و يجي له بعد سوم = و الحرار يذلها عقابها سلالها
بعض العرب ودك انه ما يقوم من النوم = ما يفيد و لا يفاد و مالين حالها

 

 

 

 

[معلومات العضو ابوحاجوووونه]

الشعراء المميزين مساكم الله بالخير


صح الله السنتكم ياشعار المنتدى


ابن مشنان وبو شجاع


عساكم بالوجود وفيتو وكفيتو


وحنا ماسكين الصف


ونكان ودكم تغيرون الطاروق ترانا في الصف


تقبلوا مني اصدق المحبة والتقدير

 

 

 

 

[معلومات العضو فراج بن مشنان]

يا مرحبا يابو حاجووونه ..

صح الله بدنك ,, و لا هنت على كل حال ..


و ابشر يابو حاجووونه ,, و الغالي يطلب غالي ..
و على ما قالوا ,, شي ماهوب يسرّ الصديق .. ما فيه خير ..
و هذا طبعاً بعد اذن اخوي نواف .. و حنا في انتظاره .


لا خلا و لا عدم
و تقبل اصدق التحيه و التقدير ..

 

 

 

 

[معلومات العضو ابوشجاع]

ارحب يابوحاجووونه واسعدنا حضورك يالذيب


ابومشنان تبي تغير الطاروق اللي ودك وابرك الساعات

وحنا في انتظار طاروقك ياذيبان

تحياتي لك--

 

 

 

 

[معلومات العضو فراج بن مشنان]

سلام الله عليكم ...
يا مرحبا يا نواف ,, و الساعة المباركه .. و الطواريق كلها معك تزين يا ذيبان ...
و سامحوني على التأخير اللي كان بسبب ظروف قهريه ..
و لكن ان شاء الله معوضين خير .
هذا طاروق جديد و موال جديد و بدايه جديده ..
و صفوفكم يا اهل الصفوف ..





نجـدد العـهد و المـيثاق و الـخـوّه
و ارجع و اسلم سلامي لاهل المروّه
نواف يا جعلك الزين و على القـوّه
و الناس بالناس و الارزاق عند الله

سلام رديّه لها برق و رعودٍ و امطرا = على مناعير الرجال و ليلنا يا مجمله
و البارحه فكري مع الهاجوس يسري ما سرى = متغيرٍ و الوقت مال و ليلنا يا مجمله

 

 

 

 

[معلومات العضو الواضح]

عاشوا الشّعار

ولا هنت أخوي أبو مشنان على هالطاروق الجميل الخفيف


وزهلوا الصفوف



بس جيبوا نواف