قصة الخمعلي وصديقه ابو جملا

[معلومات العضو ابو ملهي العنزي]

السلام عليكم ورحمة الله وبركاته :

الحمدلله والصلاة والسلام على رسول الله وعلى آله وصحبه أجمعين .

قصة قديمة حول المحافظة على الصداقة وتبادل الجميل والقصة جرت بين كل من عياد الخمعلي من قبيلة عنزة وبين صديقة ابو جملا من اهالي الغزالة في ضواحي حائل ، وكان ابو جملا صاحب نخل وزراعة بالغزالة ، واذا جاء الصيف نزل الخمعلي عند صديقه ابو جملا حتى ينتهي وقت الصيف وكان ابو جملا يعد لصديقة الخمعلي كفايته من النخل لحلاله ويمده بالتمر . وايضا كان ابو جملا ينزل عند صديقه الخمعلي في وقت الربيع . وكان الخمعلي يعطي صديقه حاجاته من السمن والاقط والمنايح

وفي سنه من السنين تأخر ابو جملا مازار صديقه الخمعلي العنزي بالربيع كعادته ، فظن عياد الخمعلي ان صديقه ابو جملا مريض ، فصار يسأل عنه ويستفسر من الطراقي عن اخباره وعلم انه طيب وسليم ، وانما منعه من المسيار بعض الظروف ، وفي ليله من الليالي جلس عياد الخمعلي على قهوته وحده ولم يجد من يتقهوى معه وينادمه بالسوالف والاشعار لانهم اذا جاء الليل يجتمعون على القهوة ، ويتداولون السوالف والقصص والاشعار ، فلما جهز القهوة تمنى الخمعلي ان صديقه ابوجملا عنده يتقهوى معه وقال ابياتا من الشعر طويله ويقول الخمعلي فيها :

أوي فنجال  على  الكبـد  محـلاكغير الطعم يازين  نصعة  حمـارك

كثرت من حبك وقللت من  مـاكوعز  الله  اني  تاعـب  باعتبـارك

ولو ان ابوجملا على أولك واتـلاكعز الله  انٌه  هو  كمالـك  وكـارك

الله يلومك يابوجملا على  ابطـاكأخلفـت  للعـادة   وهـذا   دمـارك

ولو  ان  بك  شكه  ترانا  نصينـاكولو انت عاجز كان طقيت صارك

واللي توده  يطرب  البال  لاجـاكاللي جماره يجدعه  مع  اجمـارك

دايم  عنه  رب  المقاديـر  ينحـاكأبدا تشوفه (كود) عقـب المـدارك

واللي عما عينك وهزمه الى جاكدايم  يفرٌك  مقعـده  عنـد  نـارك

مع العرب دايم  يـدورك  ويلقـاكعينه وراك وكل ما اخملت عارك

وعندما دارت هذه القصه والابيات بالمجالس صار لها اثر كبير عند البادية والحاضره ، واشتاقوا لسماعها ، لان معناها منطبق على حال الكثير من العرب وصار لها تأييد.

وعندما سمع الامير عبيد الحمود امير بقعا وهو من الاساعده من قبيلة عتيبه الشهيرة ، هذه القصه والابيات تحرك للجواب ، وكان عنده من الظروف مثل ما عند الخمعلي وصديقه وقال قصيده يرد فيها على الخمعلي:

اوي   فنجـال   بصـبـح    عملـنـاكماصك  بابك  دون  ضيفك  وجـارك

عشرين جوز من الضياحي عطيناكمع  زايد  الطبخـه  انكثـر   ابهـارك

لولا ان  عياد  على  غيـره  اعمـاكيوم اعرضت ماينترك  لي  وقـارك

ياعنك  مابـك  لـذة   لـو   شربنـاكلا صار ما الغالي على  جال  نـارك

ان جاك ليلٍ قلت ياليل مـا ابطـاكوان جا نهار قلت ما اطول  نهـارك

واللي  تود  ويطرب  البـال  لاجـاكلازم  ينزحه  الولـي  عـن   اديـارك

اللي اليا ضكك من  البيـن  ضكـاكاما عطاك الشـور  والا  استشـارك

واللي عما عينك وهزمه الى  جـاكهذاك  عـدة  لبنـة   مـن   اجـدارك

ما من رحيل الى  جفيتـه  وعـاداكامـا  علـى   يمنـاك   والا   يسـارك

ومن هاذه القصه نرى ان ابناء الباديه قديما كانت تربطهم علاقات صداقه مع القبايل الاخرى . وذالك بما فيها من ود واحترام وتقدير
وكان الجار قديما رغم البعد والترحال مكرما عزيزا . والنفوس كانت نقيه وبسيطه

مو مثل الحين الجار ما يدري عن جاره اذا هو حي ولا ميت .

الله يرحم ايامكم يالاولين


واعذرونا على الاطاله

 

 

 

 

[معلومات العضو ابو فهد الغييثي]

والله انك صادق ياخوي

الله يعطيك العافيه على القصه والقصيده

ولاهنت على كل حال وننتظر الجديد منك

تحياااااااااااااااااااااااااااتي

 

 

 

 

[معلومات العضو السيف دايـم]

الله يرحم الاولين وسوالفهم .. على قولة الشاعر: ياليت منهو ميت يوم الاموات **وياليت منهو رايح يوم راحوا

 

 

 

 

[معلومات العضو محمد الولامين]

لاهنت يالعنزي على القصه وبيض الله وجهك