قصيدتين قلتها تشجيع لأخوي الصغير

[معلومات العضو فارس الدبالين]

بسم الله الرحمن الرحيم
السلام عليكم ورحمة الله وبركاته

هذي قصيدتين قلتها لخوي الصغير وارجوا انها تعجبكم.

الاوله قلتها له وهو كان في الاختبارات النهائيه للمرحله الثانويه.

ياخـوك انـا بوصيـك منـي وصـيّـهوصيتـن وأبغيـك تمشـي بـهـا دوم

تـرا الـرجـل لازم عـزومـه قـويّـهوإليا بغى العليـا يعـزّم لهـا عـزوم

والرجـل لازم لـه علومـن شلـيّـهيفخر بهـا لاجـا مجالـن لهـا علـوم

وصاحب صحيبن له صفاتن وفيّـهوارفع مقامك عن سلاتيح ورخـوم

وخـلـك كريـمـن عـادتـك حاتمـيّـهوحافظ على فعلن لها نهج وسلوم

وخلـك شجيـعـن مايهـمـه سـريّـهتراك من رجلن انماري بـه القـوم

واحفظ صلاتك قبل قـرب المنيّـهواخفض جناحك لامك ولو محروم

هـذي وصيّـة طيـب لزمـن علـيّـهوانا اشهد اني في وصاياك ملزوم

والثانيه قلتها تشجيع له يوم دخل المعهد الصحي عسى الله يوفقه واياكم وجميع المسلمين

امسك عنـان المهـرة اللـي هدالـكربٍ كـريـمٍ طــول عـمـرك يـمـدك

عليـك حـسـن اعسافـهـا واتكـالـكعـلـى إلــه الـكـون يـمـه مـــردك

انـحـر بـهـا صـكـات بقـعـا لحـالـكتنسى الشقا وتلقـا الهنـا كـان ودك

واحذر من الكبـوات وان سـج بالـكاصدوف عمرك توصلك ليـن حـدك

اسـرج بهـا ياجعـل عمـرك وفـالـكتوفيـق ياطيـرن علـى اول مـهـدك

أمعربـن مـن سـاس عمـك وخالـكواشبهت في فعل الوفا صلب جدك

على المراجـل قـوم طـوح اعقالـكوشـد العـزوم وتـارد الــورد عــدك

تــرك صبـيـآ فالمـواجـيـب هـالــكلافـاعـلـن طـيـبـآ ولاهـــو يـمــدك

اكسـب غنايـم ماصفـالـك وجـالـكتفـرح ربوعـك والغبـن عـض نــدك

وافهم جـواب الذيـب يومـه عوالـكيرجيك يوم ان العشى صـار عنـدك

 

 

 

 

[معلومات العضو محمد بن سالم الخضراني]

فارس صح لسانك

والله يعين اخوك ويوفقه

تقديري وااحتراامي

 

 

 

 

[معلومات العضو الزين]

لاهنت وصح لسانك

 

 

 

 

[معلومات العضو فيصل الشكري]

صح لسانك أخي الشاعر /فارس الدبالين على القصيديتن المعبرتين


وبارك الله فيك



تقبل تحياتي,,

 

 

 

 

[معلومات العضو فارس الدبالين]

اخوي محمد بن سالم الخضران صح ابدنك ولاهنت والله يسمع منك يالقرم

اخوي فيصل الشكري صح ابدنك ولاهنت على مرورك الكريم ياذيبان

اختي الزين لاهنتي يالاجوديه على مرورك العطر

 

 

 

 

[معلومات العضو دغش بن حمد بن منصور]

هلا يابو سالم

صح الله السانك ياجزل

ويستاهل اخوك ماقلت فيه والله يوفقه في حياته ويوفق الجميع

لاهنت

 

 

 

 

[معلومات العضو نايف الخييلي]

فارس الدبالين

صح لسانك واعتلى شأنك على القصيدتين الجزلتين

وبارك الله فيك على تشجيعك لأخوك وجعله عونً لك بالدنيا والاخره

 

 

 

 

[معلومات العضو شيهانه بكف صقار]

لله درك

صح الله لسانك يا اخوي من اروى ماقريت في الوصيا
مااشاء الله زاد الله من فضله

وعان اخاك على مسيرته القادمه

كل الشكر

 

 

 

 

[معلومات العضو فارس الدبالين]

هلابك اخوي دغش الصخابره وصح ابدنك ولاهنت ياذيبان على مرورك الكريم

والله يسمع منك ياطويل العمر تحياتي ...

 

 

 

 

[معلومات العضو فارس الدبالين]

اخوي نايف الخييلي صح ابدنك ياذيبان ولاهنت على الكلام الطيّب
والله يسمع منك ياطويل العمر وعسى التوفيق لجميع المسلمين
ومرور الطيبين مثلك وشرواك هو التشجيع يالقرم
تحياتي ...

 

 

 

 

[معلومات العضو فارس الدبالين]

شيهانه

صح ابدنك يابنت الاجاويد ولاهنتي على المرور والكلام الطيّب

والله يسمع منك ويوفقك لما فيه الخير

تحياتي ...