تصدقون اكثر الكلمات اللي نقولها غير عربية

[معلومات العضو ابو شامه الوايلي]

تصدقون اكثر الكلمات اللي نقولها ماهي عربيه تعالوا شوفوا



باغه = تركيه ومعناها بلاستيك

بفته=هنديه ومعناها القماش الابيض

بخت = فارسيه معناها الحظ

بس = فارسيه تستعمل للإسكات يعني اقطع واخس

بشت = فارسيه معناها مشلح

بهار = هنديه تعني بلاد الهند ابازير

تتن = تركيه ومعناها دخان

تجوري = هنديه ومعناها الخزنه

تريك = لاتينيه ومعناها مصباح

توله = هنديه ومعناها عيار للوزن

تاوه=تركيه معناها مقلا

خاشوقه = تركيه معناها ملعقه

خيشه =فارسيه ومعناها كيس من القماش

خبل = فارسيه ومعناها مجنون

دربيل = تركيه وهي تقريب البعيد

دروازه = هنديه ومعناها البوابه

دريشه = فارسيه ومعناها نافذه

دسته = فارسيه ومعناها حزمه

ديرم = هنديه وهي صبغة الرمان

وفيه ناس يقولو ديرمان الظاهر هذولي كانوا يروحون للهند اول وجايبينها صح خخخخخ

ريغه = فارسيه وتعني خليط الماء والطين مع اني اعرف ان الريغه التراب الخفيف اللي يتطاير بسرعه

زلطه = ايطاليه تعني جمع الخضروات في اناء

زوليه = فارسيه وتعني بساط

سرسري = تركيه وتعني العاطل

افااااا وانا كل هالمده احسبها زينه كل ماقال لي ابوي يالسرسري استانست

سروال = فارسيه وهي مركبه سر تعني فوق وال تعني القامه

بكره بروح اشتري لي 2 فوق القامه جدد خخخخخخ

شيره = فارسيه تعني رحيق السكر

شرشف=كرديه تعني غطاء النوم

طشت = فارسيه تعني اناء الغسيل

طربال = فارسيه وتعني شراع

طرمبه = ايطاليه تعني مضخه

غرشه = فارسيه تعني جرة

قرطاس = يونانيه تعني ورق

قوطي = تركيه تعني علبة من الصفيح

كليجه = فارسيه تعني القرص الصغير

كندره = تركيه تعني الحذا

موتر = انجليزيه وتعني السياره

مالغ = فارسيه تعني ليس له طعم

واير = انجليزيه وتعني سلك

اجل وش بقى لنا؟؟

ولا كلمه من اللي نقولها طلعت عربيه الا كلمه وحده

منـــــــــــــــــــــــــــــــــــــــقول

 

 

 

 

[معلومات العضو خيالية]

يعطيك العاااافيهـ ،، عشان كذا ما فيه أفضل من اللغة العربية الفصحى ..

 

 

 

 

[معلومات العضو ابومبخوت الدوسري]

تسلم يمينك يالعنزي على هذا الطرح الجميل ولاهنت


تقبل تحياااتي

 

 

 

 

[معلومات العضو ناصر بن فهد]

.
.
•
لآهنتٌ والله يعطيكٌ الف عافيه يا العنزيٌ
وصدق ٌ نقولها ولاندري ماهيٌ ..؟

 

 

 

 

[معلومات العضو عادلة]

 

 

 

 

[معلومات العضو الـغـيـيـثـي]

السلام عليكم ورحمه الله وبركاته

يعطيك العافيه على الموضوع ومشكور وماقصرت بيض الله وجهك

تقبل اطيب تحياتي

الـغـيـيـثـي

 

 

 

 

[معلومات العضو ابو شامه الوايلي]

اشكر الجميع على المرور والتعليق الجميل

 

 

 

 

[معلومات العضو متعب الصخابره]

تسلم يمينك يالعنزي على هذا الطرح الجميل ولاهنت


تقبل تحياااتي