بيني وبين اخوي شافي النتيفات

[معلومات العضو راشد المسعري]

السلام عليكم ورحمة الله وبركاته

شهر مبارك على الجميع والله يجعلنا وإياكم من العتقاء من النار في هذا الشهر الكريم
أربع ابيات أرسلها لي اخوي العزيز شافي بن راشد النيفات

يقول شافي:

الجمالة في الشلي مثل نقش في الصخر
أثرها يبقى مادامه على قيد الحياه

وأنت ياراشد زمالتك لي تاج وفخر
رفقتك عندي تساوي رصيد أهل الغناه

رافع الراس وشهم لعدوه ما انسخر
شامخ مثل الجبل عالياً في مستواه

للأمام يسير يوم الردي عوّد وخر
عاشق الجزلة وغيره يدوّر ما جناه

ورديت على ابوشالح:


شاقني قاف الجزالة وطنخات السطر
لا غرابة دام شافي ولد راشد وراه

مرحباَ إعداد من حج لله واعتمر
ومرحبا إعداد ما أذن واقاموا للصلاه

بالرفيق اللي تبيّن بطيبه واشتهر
ماذخر له جهد من دون ربعه واخوياه

صامل الوقفة وذي عادة محازيم الظفر
جعل خلاّن الرخا والمصالح من فداه

 

 

 

 

[معلومات العضو شافي بن راشد النتيفات]

ارحب يابومحسن ويشهد الله اني صادق فيما قلته وتستاهل اكثر
صح لسانك ولاعدمتك

 

 

 

 

[معلومات العضو دغش بن حمد بن منصور]

الله الله الله عليكم ,,

ابداع ابداع

صح الله السنتكم وبيض الله وجيهكم واشهد شهادة حق ان مايقال فيكم شوي ..

ونستونا بهذه الابيات الجزله والله ان بسمتي مافارقتني وانا اقراها والطيب اللي مثلك يابو محسن ومثل ابو شالح لامدح كن المدح لي ؟؟

جعل عماركم طوال ..

 

 

 

 

[معلومات العضو مبارك بن شافي النتيفات]

الله الله

صح الله لسانك يابومحسن وصح لسان ابوشالح

مساجلة راااائعة

وكفو

 

 

 

 

[معلومات العضو عبدالله الحافر الغييثي]

صح الله اللسنتكم يا اثنين وعزالله ماظلمتوا حظكم كلم منكم يستاهل معلقه بلحاله ..
تقبلوا فائق ودي وتقديري

 

 

 

 

[معلومات العضو ابو زابن المسعري]

الله الله

صح السان ابو شالح وصح الله السانك يابو محسن

مبدعين وتستاهلون كل علم غانم

مبدعين ولاعليكم قصور

 

 

 

 

[معلومات العضو عبدالله بن فهد الصخابره]

قول وفعل وصح الله السنتكم جميعا

 

 

 

 

[معلومات العضو محمد بن حمد الشكرة]

صح الله لسانك يابو محسن ويابو شالح على الابيات الرائعة ويشهد الله اني اغليكم واقدركم جميع لاتحرمونا من جديديكم

 

 

 

 

[معلومات العضو دغش محمد الصخابرة]

صح السان ابو شالح وصح الله السانك يابو محسن

مبدعين وتستاهلون كل علم غانم

تقبلوا فائق ودي وتقديري