ياسلامي على المنتدى من دون ذكر الاسم :::حضر ياباحوص

[معلومات العضو ابومبخوت الدوسري]

صحت السنتكم ياشعارنا المبدعين


ابونايف

ياسلامي على المنتدى من دون ذكر الاسم=والتحيه نبرزها علي ابيض وجه وأطلق شنب
ودنا نبرز ابشاعر من الشعار وإسمه علم=يذكر اسمه بسم باحوص وإسمه مستعار ولقب

باحوص

مرحبا و التحيه لــك ادبلها يـمال الشحم =وان بغيت المعارك بالمعاني وان بغيت العنب
عدّل القاف ياللي محتزم او شدّ لم السلم=ما روتني محيطات البشر نفسي تقادح لهب

ابونايف

البقابك وحاسب لاتدربا توي رجلك لغم=والمعارك لهلها وانت خلك مص عود القصب
جاك قافي على الجنبيين حمي ويتحدا خصم=مير هون قبل يضرب معك سن ولا عصب

باحوص

القصب القصب رده بجحرن ناشين بالفحم =واللغم مايضر"اف ست طعش"ياللي تريد العتب
والقوافي عوافي ما تريد اللي حرق العلم=والله اني علاجن للخبل اليا دركت السبب

ابونايف

خل عنك القصب وقرب ندسم شاربك باالحم=والحم يكتفيه من البن قرطوح وشلقت رطب
مثلي حضرت جنابك نكرمه باالطيب ويا الشحم=والخبل لا لفوه الناس ماجمل وشب الحطب

باحوص

الكفو مكتسيكم بالفخر وانتم بروس القمم=والكفو يفتخر فينا وحنا فالقمر كالذهب
يالسنافي نصيحة عقب اللي ارتخا فالهمم=من بغاني لقاني فالمحبه وان بغا فالنشب

ابونايف

الوكاد العلم رفرف وخلك فوق عند العلم=والنصيحه على المسلم لزوم ولا نحب الكذب
تاالعب القاف مير الله ويكلك لاترد النسم=ثم ندبل عليك القاف والقيفان لعب اونصب

باحوص

ياحسين النوايا ما يهددني ضجيج الغنم=ان دبلتو دبلنا وان سريتو فالحدب الحدب
ضارين بالقسى في وقت زاهي بالبلا و الرخم=احتسبني صديقن وافتخربي يا سقيط الهدب

ابونايف

الغنم مايهدد حسها وشفيك خل الغنم=المثل لا بدعته لازم انه مايزم ويطب
ماعرفناك من شان النعم نعطيك فوقه نعم=غير حاسب وهون لاتفاداني وتصبح عطب

باحوص

انتبه كم رميتك بالمعاني وانتبه للغنم =وارتكز يالمشلشل و اعتدل يالخيل فوق القهب
مالفيتك على شان النعم لني مدير النعم =وابتدي ما انتهي حتى خصاصيم الرخا تنسحب

ابونايف

رميتك كذبت وانا مدسم شاربك باالدسم=بين مص القصب ويالحم وياالبن والرطب
ماقعدنا بقدرك مير هون ياولد ثم سم=وأنت غالي لزومن نرفعك فوق الجبل ياشنب

باحوص

يالسنافي ابنهيها على خير البشر و الامم=وانت غالي ولد غالي اعرفك يالوفي لا تقب
ياعسى اللـه يلاقينا نبينا المصطفى فالقمم=وكف مواعينكم يالادمي عني و طف الحطب