![]() |
#1 | ||
|
![]()
|
||
|
![]() |
![]() |
#2 | |||||
|
![]() حياك الله ياقحطاني وتقديرك وتقدير ربعك على العين والراس وانتم عواني وبيننا وبينكم نسب قوي على مستوى القبيلتين اقتباس:
فتحسف العجمي على أنه ترك ديار الدواسر وعزم الرجوع لهم وقال الأبيات التالية: أوي ديرة ٍ من بين حمر النفايد=قبليّها الجزلا و خـرب ٍ وراهـا ديرة صناديد الرجـال آل زايـد=اهل ديرة ٍ من قل ماله نصاها اهـل بيـوت ٍ كنهـن الفرايـد=يامن بها الخايف الى من وزاها اعتضتنا فيها الوجيه الزهايـد=اهل القرايا اللي يبيعون ماهـا فيا يا راكب اللي يقربن البعايد=حراير ٍ قطـع الفيافـي مناهـا خلها تعـود دام ثرهـا جدايـد=تنصا آل زايد مكرمة من لفاها عند الصعوب مهونة كل كايـد=لامن وردهم حجـة ٍ نجحاهـا نصيتهم وانا من المـال بايـد=جلوا الهموم و طلبتي كملاهـا تكملت من تمر هدب الجرايـد=و شريت منها البل بما ثمناهـا ابوصي البيضا مع كـل رايـد=لاهل الحميه ممنيـن حماهـا وبالنسبة لموضوعك القديم إن كان في الردود سب أو تعدي على قحطان العزيزة فهذا غلط وهذا دور الإدارة ولا نرضا أن تسب قبيلة في منتدانا لأنه عودنا على احترام الجميع في الحاضر والماضي واعطاء كل ذي حق حقه وإن كان قصدك أن القصة غلط لأنك لم تجدها في الكتب التي قلت إنك بحثت عنها فهذي ليست حجة لأن السوالف تنقل من صدور الرجال الثقات وليس شرط أن تكون مدونة في كتاب. وعموماً اترك للإدارة ولك وللاخ ابو زابن المسعري التواصل وحياك الله في منتدى الدواسر ياقحطاني والله يجمعنا وياكم وكل القبايل على العز والطاعة تحت قيادة ولاة امرنا اعزهم الله ونصرهم. شكراً
|
|||||
|
![]() |
![]() |
#3 | ||||
|
![]() الاخ سعيد
|
||||
|
![]() |
![]() |
#4 | ||
|
![]() كاتم
|
||
|
![]() |
![]() |
#5 | ||
|
![]()
|
||
|
![]() |
![]() |
#6 | ||||
|
![]() اولا فانا ولله الحمد محترم نفسي ومحترم الاعضاء .
|
||||
|
![]() |
![]() |
#7 | ||
|
![]() تكرمون من الكذب ولكن الرأي والرأي الاخر ليس بهذاه ألطريقه
|
||
|
![]() |
![]() |
#8 | ||||
|
![]() تكرمون من الكذب ولكن الرأي والرأي الاخر ليس بهذاه ألطريقه
|
||||
|
![]() |
![]() |
#9 | ||
|
![]()
|
||
|
![]() |
![]() |
#10 | ||||
|
![]() ونعم بك وبربعك ياسعيد ونعم بآل شايب
|
||||
|
![]() |
![]() |
#11 | ||||||
|
![]()
آخر تعديل سعيد ال سعد يوم 30-01-2014 في
04:53 PM.
|
||||||
|
![]() |
![]() |
#12 |
|
![]() سعيد آل سعد يامرحبا و مسهلا بين أخوانك وفي محلك الثاني اولاً: عنوانك "شي من الواقعيه يامسعري" هذا وانا خوك تهجم خاطئ , عندك تعقيب شف لك عنوان محترم لكي تُحترم. ثانياً: أنت كتبت هذا العنوان لكي تعقب على موضوع معين وانت شملت معه مواضيع ! كا تطرقك لموضوع معركة المعتلا !! سوف أرد على نفيك قصيده جسور و القعه التي حصلت فـ أقول لك,, قال تعالى ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ ) قصيدة جسور والرد عليها حدثت بعدها وقعت الجفير , ووقعت الجفير معروفه في تاريخ الدواسر , فقد سمعتها أنا من الأمير محماس بن قويد رحمه الله وكذالك قد رواها الشيخ ناصر بن فيصل آل حفيظ وهي بقيادة الأمير وديكان بن قويد "جد آل شيبان " وهي كتالي : المساعرة حدروا بالجهام والسلفان يبغون الديرة والمرابيع الزينه ، وخلوا عد ٍ لهم عد ٍ في الدحي معروف باسم (الجفير) . وياردون قحطان على الجفير ، ((ويقوم خامل ٍ من الخاملين ويجي له بكلام ٍ مهوب زين في العد وأهله)) وفيه أخلوي يسمعهم ورد العلم لابن قويد. قال ابن قويد : يامساعره ترانا مسندين على قحطان وترانا حرّابه .الرجال اللي مهوب جاي ٍ مظهوره وأهله وأبله ، تراه ماحما لنا ولا لنا فيه حاجة . انضموا عليه رجال المساعره . أراد الله أن المساعرة يتواجهون مع آل مسعود من قحطان ، ويكسرونهم ويذبح منهم عرب ، ويلعب صحين بن حويزي المساعره وقال قصيده منها : ياراكب من فوق نضـو معنّـا ما يلحقنه مقرعـات المساميـر يلفي لنا ابن حفيظ زبن المجنى حامي اعقاب اقطيّهن بالقناطير ياليت مظهـور يبـاري ظعنـا يوم التقينا بين عـذال وامشيـر الطامـع اللـي زارنـا ماتهنـا خذنا جواده والسلف والمظاهير حول معا ريع الجوافـا ظعنّـا كله لعينا اللي وزوا بالمظاهيـر انا كفينـا غايـب غـاب عنّـا ونطعن لعينا دقهـا والمعاشيـر ونطعن لعينا اللي يسالون منّـا ولعيون جو زايـف بالنواويـر واخيار ذوده صدرت في وطنا من عقب ماترعا خشوم الدعاثير فرد الشيخ محمد ابن حفيظ على صحين بالابيات التالية : يـا مرحبـا باركابـك اللـي لفـنّـا اعداد ماتـذري هبـوب المعاصيـر يامرحـبـا ترحـيـبـة ماتـمـنـا لامنـه بـدل رفقتـه قاطـع السيـر ليـت الحمايـا يـوم جتنـا وحـنّـا بين( الجفير) وبين عـوج الدواويـر والله أن يجيكـم يـا جماعـة ظعنّـا وخيـل تنـازي بالعيـال المناعيـر حريبنـا لا شافـنـا جــظ مـنّـا مثل الخريش اللي بلاها مـن الطيـر ماقـومـه الا بالمـلاقـا طـعـنّـا من فوق قب معسكـرات المساميـر يـا نفـدى اللـي يـوم غبنـا كفنّـا سربة (اصخاف الشول) عند المعاشير لا جرها( ابن قويـد )زبـن المجنّـا يسهج حفيفه مثـل سهـج الطوابيـر ومن ظمن اللذين قتلو من قحطان نخاعان حيث قالت زوجته ترثيه قصيدة منها : ياهل الركاب اللي تبون المتاعي عنوا معزبكم على العد قطان دكوا عليه من اللحد لين ياعي حتى يرحب بالركايب نخاعان إلخ ,,,,,, ويعلم الله سبحانه أني عندي أسماء شيوخ وفرسان من قحطان قتلو في هذه الوقعه ولكن مسحتها ولا أحب نشرها , فنحن أخوه وكلن منا مكمل لثاني وبخصوص معركة المعتلا من سردك لها يجهلك فيها الكثير اولاً ليس لبن قويد نخل لكي يشحم فهو رجل باديه رحّال والنخل نخل ابن حمدان ومن مثله ومع ذالك حماه ابن قويد وقومه قال فيه الشاعر هندي الغضيب : غرس ياللي على الحديـن متثنـي يعجب اللي يخايل صفـة عذوقـه سوره من القنا والسيـف منسلـي راسخٍ في نفـود ٍ تسبـح عروقـه قد حمينـاه يـوم إن التفـق حنـي و لا بتي بالسلايل رسخوا سوقـة ( الابيات الباقيه لاداعي لنشرها) وأبن قويد ليس في صف عبدالله كما ذكرت بل في صف سعود اللذي زبن على بن قويد فهي تخص آل بلحسن على راس محماس "الاول" بن قويد وأخيه وديكان , ومعهم أثنين من الضباعين و سبعه من الشرافا وعليها قصيده في زمانها تثبت ذالك وموجوده عندي في شريط كامله ولكن فيها أبيات محظوره مثل أسما شيوخ القبائل الذين قتلو في صف الامام عبدالله ,,إلخ في الختام أرحب بك مرةً اخرى وياهلاومسهلا بك وارجو ان لاينطبق علينا قول الشاعر : الغرب يصنع طائرات وصواريخ والشرق الاوسط ضاع نفطه بلاشي حطوا لهم في صفحة العلم تاريخ وحــــنا بماضينا نعيد النقــــــــاشي
|
|
![]() |
![]() |
#13 | ||||||
|
![]()
|
||||||
|
![]() |
![]() |
#14 | |||
|
![]() اقتباس:
يقول منهو رمح جده يسنّا متعهد حدّه لضرب الطوابير في ضفّ زايد خيلنا يلعبنّا كله لعينا جمعهم والمصاغير حامي التوالي وقايد الخيل منّا يشهد لنا لخن وخشم الدعاثير يوم العتيبي يحسب الكسب منّا صفق ذلوله وانكسر بالمخاسير هذي فعايلنا عليها تبنّا زين المثايل كنهن النواوير وليا جهلنا سامج الهرج حنّا بني حمد مع لاد مسعر مناعير
|
|||
|
![]() |
![]() |
#15 | ||||||
|
![]() الاخ القحطاني يعقب على موضوع ابو زابن المسعري ورجع يحرف في قصة عثمان وتشحيم نخيل الرجبان اولا اسم النخيل العقيق مهوب الشقيق ثانيا نسبة منع النخل للقحاطين شي مضحك وفاقد للمصداقيه وسمعت القصه من اكثر من شخص من الرجبان كبار السن ماذكر فيها قحاطين ولو فرضنا ان فيه قحاطين معهم كم بيكونون اثنين ولا ثلاثه هم اللي بيمنعون النخل خل عندك شي من الواقعيه وخلك في منتدياتك وشوف وش يكتبون وحاول تصلح الاقرب فالاقرب
|
||||||
|
![]() |
![]() |
الذين يشاهدون محتوى الموضوع الآن : 13 ( الأعضاء 0 والزوار 13) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
قبيلة الدواسر ومحاولات التأليف عنها | مسفر بن محمد الشرافي | :: قسم تاريـخ قــبـيـلة الــدواسـر :: | 40 | 29-05-2012 02:11 PM |
التغطية المصوّرة للحفل السنوي الخامس لقبيلة الدواسر بإستضافة ورعاية الشيخ فيحان بن شجاع بن محماس بن سويلمه آل بريك حفظه الله ورعاه. | الإداره | :: قسم اللقــاءات والفعاليات والتغطيات الخاصة:: | 39 | 30-04-2011 02:03 PM |
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. | الإداره | :: قسم اللقــاءات والفعاليات والتغطيات الخاصة:: | 16 | 22-11-2010 09:44 AM |
التغطية المصوّرة للحفل التكريمي لقبيلة الدواسر العريقة بمناسبة موقفها المشرّف إتجاه قضية إبنها محمد بن فهد الصخابرة | الإداره | :: قسم اللقــاءات والفعاليات والتغطيات الخاصة:: | 12 | 22-02-2010 08:34 PM |
التغطية المصوّرة للحفل السنوي الثالث لقبيلة الدواسر بإستضافة ورعاية حسين بن براك آل حضيري المشاوية بدولة الكويت | الإداره | :: قسم اللقــاءات والفعاليات والتغطيات الخاصة:: | 71 | 03-03-2008 02:25 PM |
إعلانات نصية |
منتديات صحيفة وادي الدواسر الالكترونية | |||
![]() |
![]() |
||