الشيخ ابن خليفة وموقفه مع الشيخ راكان والعجمان

**معلومات** **العضو** · 29-05-2005, 08:26 PM

السلام وعليكم ورحمة الله وبركاته ،،،،

بعد معركة الطبعه بين العجمان وبن سعود يوم هزمهم ابن سعود بمشاركة قبايله ومن تبعه من الحضر والبوادى وقال الشيخ راكان قصيدته المشهورة التي قد سبق نشرناها بموضوع سابق :------

العذر يا غـض النهـد ظبـى الافجـاجالكثـر يكسـر كاسبـيـن النوامـيـس

جانـا بأهـل نجـد الـى حــد الافــلاجوما حدر الوادى على مقطع الخيس

وبعد ما خرج الشيخ راكان بين الصفوف ومن معه من العجمان اللى سلموا من ذيك المعركه اتجه بهم لابن خليفه صديقه الحميم اللى زبنهم حيث قعدوا عنده فى البحرين مكرمين معززين وكان علومه غانمه عندهم ولاقصر فيهم ويمشيلهم مصروف وشرهات وهم جالسين دون عمل ، وفى احد الايام اجتمع ابن خليفه وخاصته شار عليه أحدهم ان يطلب من الشيخ راكان انه يطلب من ربعه العجمان يعملون ويشتغلون لانه من غير المعقول انه يكد علي ذا البدو وهم قعود فأستحسن ابن خليفه هذا الشور ووصل الطلب لراكان فرد عليه راكان وقال ابشر
بأجمع العجمان اللى معى واخبرهم برغبتك انهم يعملون ويكدون كان هم يبون الفلوس ( وكن ابن خليفه قال لراكان اللى مهوب مشتغل ماله شى عندى) الزبده رجع راكان لربعه وشب الضو فأجتمعوا عنده واخبرهم بما حصل وما طلب منه ابن خليفه وكن العجمان تشاينوها خاصه انهم زبنا عنده ولا به شغل زين يشتغلونه لان كثير من الاشغال فى ذاك الحين عيب فى شرع البدو فقال احد العجمان وهوالشاعر والفارس عبدالله ابو سبعه آل ضاعن العجمي : انا اكفيك الرد ياراكان.
خاصه وان راكان استحى من ابن خليفه لما يربطه من موده واحترام معه .
وعندما جلسوا عند ابن خليفه فى اليوم التالى كلهم درا ابن خليفه ان به علم فقال ابوسبعه اسمع ياطويل العمر ذا الكلمات والعذر والسموحه من الزلل :

ياشيـخ مـا جينـاك مـن غـيـر مـنـدوبالا بـخـط لــك مــن الــراس وكـتــاب

وان كان مالك فى الرجاجيـل ماجـوبفــلا تـــردا هـقـوتـك عـنــد الاجـنــاب

يالله بـــرزق مـــولاه ابـــن يـعـقــوبولا وقـف دونــه عـويـر عـلـى الـبـاب

لاحـن(( بغاصـه)) ولا حـن(( بسيـوب))ولا ((بـهـل زرع)) يسـقـى بـالاشــراب

ارزاقـنــا مـابـيـن نـاهــب ومـنـهــوبوكل على حظـه ولا اخطـاه مـا صـاب

شفـي مـع العجـمـان لاقـيـل جــاذوبمن فوق مثل مسعـرت قـرى الاذيـاب

وخيل(ن) تجى ألفين من غير محسوبيخلـف لمـيـع ادروعـهـا كــل حـسـاب

الــى اتجهـنـا بـيـن جـالـب ومـجـلـوبوجاتـك بعيـدان القنـا مـثـل الاطـنـاب

لينى علـى اللـى كنهـا الفـرد مرعـوبواثـنـى الــى مـنـه كـبـا كــل هـيّــاب

دز المجـوخ مـن عـلـى كــل سلـهـوبهذيـك مـن خـطـوا توافـيـق الاشـبـاب

كم جادل(ن) من ضربنا شقـت الثـوبعلى الوليـف تشـق منقـوش الاجيـاب

وبعد ما سمع ابن خليفه القصيده ضحك وقال والله ما ينسلم منكم يابدو ومرحبا بكم على بساط المعزه والكرامه دامكم عندى .

وسلامتكم،،

منقول من الأخ العزيز الشامري

غاصه: الغواص اللي يجيب الدر من البحر
السيوب : جمع سيب وهو اللي يسحب الغواص من الماء.

**معلومات** **العضو** · 29-05-2005, 09:30 PM

لاهنت يالعماني
وماقصرت على الموضوع الرائع
وبيض الله وجهك يالقرم

اخوك
عبدالله الشكري

**معلومات** **العضو** · 29-05-2005, 09:38 PM

لا هنت يا العماني و جعلك حي و غني

و الشكر موصول للشامري و جعله يسلم

كفو , كفو , كفو , ابن خليفه الجميلي التغلبي

زبن قبيلة العجمان من ابن سعود

**معلومات** **العضو** · 30-05-2005, 12:50 AM

لاهنت يالعماني

ارزاقنـا مابيـن ناهـب ومنـهـوب
وكل على حظه ولا اخطاه ما صـاب

الله يغفرلهم جميعا

سالفة طيبه ولايهون الشامري

تحياتي لك يالعماني

**معلومات** **العضو** · 30-05-2005, 03:43 AM

لاهنت يالعماني وبيض الله وجهك

**معلومات** **العضو** · 30-05-2005, 06:20 AM

كفو قول وفعل ابن خليفه الجميلي التغلبي

بيض الله وجهك ياذيبان على ماذكرت

والشكر موصول للشامري ابو حمد

تحياتي لك ،،،،

**معلومات** **العضو** · 31-05-2005, 01:41 AM

الاخ المبدع العماني تسلم اناملك ياذيبان

يشهد الله انك مبدع في كل شي

ونعم بال سعود ونعم بال خليفه

ونعم بالعجمان ونعم بالدواسر بعد.

ولا يهون الشامري .

تحيات / ابــو عبدالعزيز.....

**معلومات** **العضو** · 31-05-2005, 01:53 AM

السلام عليكم ورحمة الله وبركاته
لاهنت يالعماني وبيض الله وجهك على هذا الموضوع الشيّق،،،،،،
تقبل تحياتي،،،،،
&&اخوك السفير&&

**معلومات** **العضو** · 31-05-2005, 02:52 AM

لاهنت اخوي العماني على هالمشاركة الطيبة , بيض الله وجهك يالنشمي.
تحياتي لك.

أخوك صقر بن مطلق الجميعة الدوسري

**معلومات** **العضو** · 31-05-2005, 06:43 PM

حياكم الله جميع ولاهنتوا الردود الطيبه

تقبلوا تحياتي،،

**معلومات** **العضو** · 01-06-2005, 04:50 PM

كفو قول وفعل ابن خليفه الجميلي التغلبي

بيض الله وجهك ياذيبان على ماذكرت

والشكر موصول للشامري ابو حمد

تحياتي لك ،،،،

دغش البطي

**معلومات** **العضو** · 01-06-2005, 06:30 PM

لاهنت يالقرم على النقل المتميز والطرح الرائع

ولا يهون الشامري

تحياتي لك:

................ . الفارس . ..................

**معلومات** **العضو** · 02-06-2005, 12:00 AM

الله لا يهينك يا العماني و تسلم

كفو و قول و فعل ابن خليفه الجميلي التغلبي

**معلومات** **العضو** · 02-06-2005, 03:12 AM

لا هنت يا العماني

وكفو ابن خليفه الجميلي

والشكر كذلك موصول للشامري.

لكم تحاياي

**معلومات** **العضو** · 02-06-2005, 06:33 PM

لاهنت أخوي العــمــانــي فأنت مربط الجود والكرم والشيء من معدنه لا يستغرب

ولا هان الشيخ ابن خليفه ولا العجمان فكل عرب فيهم طيب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
التغطية المصوّرة لـ حفل الشيخ فهد بن فريج الشكره بمناسبة حصوله على سيف الشرف للرجل المثالي مقدما من صاحب السمو الملكي الامير مشعل بن عبد العزيز رئيس هيئة البيعة رئيس اللجنة العليا لجائزة الملك عبد العزيز طيب الله لمزاين أم رقيبة	الإداره	:: قسم اللقــاءات والفعاليات والتغطيات الخاصة::	24	10-02-2011 05:10 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت.	الإداره	:: قسم اللقــاءات والفعاليات والتغطيات الخاصة::	16	22-11-2010 09:44 AM
تغطية الموقع الرسمي للقبيلة لحفل قبيلة الحراجين برعاية الشيخ محمد بن فهيّد آل ملحم شيخ قبيلة الحراجين المقام على شرف قبيلة الغفران آل مره .	الإداره	:: قسم اللقــاءات والفعاليات والتغطيات الخاصة::	18	19-07-2010 12:45 AM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية