لابةٍ زايديه تغلبيه ~~ عبد الله بن عريمة

[معلومات العضو صبي آل عريمه]

قصيدة في قبيلة الدواسر الكريمة ~ ~

نفحة  الطيب   وهيل   الشاذليهتساق   تقدير   لوجيه   العشيره

( الواسمين العصا ) سلم وحميهموسّعة   حدها   أسود   الجزيره

لابةٍ    "زايديه"    ~     "تغلبيه""أزد" "ووايل" مناسبنا  الشهيره

يوم    رزوا    حروف    الابجديهروس  الاقلام  مجدي   تستثيره

سيف   ولا    قلم    حقٍ    عليهدام  انا  دوسري  وقفة   وغيره

اندبتني    مع    ربعي    الحميـهوقلت يالحرف  لاتذخـر  ذخيـره

هلها    دوسريه    ~     دوسريهليـن   تلغيبهـا   سيـره   وسيـره

محميّة   بني   عمي    محميّهعلموا    الاوله    تنبي    الاخيره

المكارم     لنا     ثيابٍ      نقيهوشايعتنا  مثل  شمس  الظهيره

اوسع   حدود    حد    الدوسريهقيّظ     بديره     وربع      بديره

من ثرى الوادي  لاالخرج  النديهلاالحسا   وفل   تاريخ   ومسيره

جات   بعراك   وفرس   بوارديهماخذيناها     بمقاصر      وجيره

مناوخٍ   في   ثراه   الفين    هيهبكل    حرٍ    مواريده     خطيره

راسخينٍ   على   شوف    البريهبالسيوف  المحاديب   الشطيره

مدرعينٍ   على   خيل    ومطيهملحقين   السرايا    بكل    ديره

ياحرارٍ   على    الباغي    عصيهياحصون  الذرى  زبن   الكسيره

مادفعنا       لمخلوقٍ        جزيهغير    رب    الملا    مانستجيره

عزة   النفس   فينا    نار    حيهوعندنا    اذلالها    اكبر     نكيره

تجزع    انفوسنا    ورد    الرديهتنفر   من   السفاله    مستذيره

ودون  الاسلام  مانعطي   الدنيهسلمنا  صلب  والسيرة  عطيره

نصرة  الدين  فينا   اكبر   وصيهاسد  الاسلام   بالنصره   جديره

ناهجينٍ     على     سنة      نبيهيشهد   الغربي   المنهج   وسيره

من    الخيانه    مواقفنا     جليهولا   غدرنا   البعيده    والقصيره

ط¸â‚¬ولة وجيه  وكفوفٍ  نديهنعطي   الجود    ومدتنا    كبيره

ياوجيه   الندى   البيض    الوفيهياهل   الوقفة   كعام    المغيره

بندق    الترب    ماهي    بندقيهنقلها    عار    ورميتها     معيره

هوزة   الدوسري   تحرم    عليهقبل  ماتهوزهم  تعطى   الجبيره

ولو  لحقني  من   ادناهم   رزيهباحتملها      ولحفها       حصيره

واعتبر   فزعتي   مثل   الوصيهسيف  يمناك  سله  من   جفيره

وحطني في نحر خصمك  ضحيهوخل عيني  على  نومك  سهيره

وخل     بيني     وبينك     قابليهولا  نهدف  على   اللابه   جريره

وهسّة  الهزل  تضرب   جرهديهالكبيره   يابن   دوسر    صغيره

التجارب     دروس      ومقدريهوالجهل   تيه   والحكمة   بصيره

والضلاله     سراب     ومهمهيهوالمحبه   لوجه    الله    سفيره

والموارد  على  حوض   المنيهوالنوايا       العلام       السريره

والتواضع   ادب    والكبر    غيهوالضغينه   حطب   نارٍ   سعيره

والعداوهط¸â‚¬بوع     الجاهليهنبتها    مر    ونظرتها     قصيره

والمواقف  حكم  والقصد   نيهوالتشدد   جهل   والجهل   حيره

والكرم  بذل  وترحيب   وعطيهوبشّة حجاج من صافي السريره

يطولها  صاحب  النفس   الغنيهجامع الناس  في  ماله  خشيره

والحسد  تهمة  النفس   البريهالحسد  ذنب  مالك  ذنب   غيره

والزعامة    صفاة    وعبقريهماهي   كتاب    تقدر    تستعيره

ولا  درّس   ولا   تعطى   هديهالعسيره     مطالبها      عسيره

 

 

 

 

[معلومات العضو البدوي]

هوزة الدوسـري تحـرم عليـه
قبل ماتهوزهم تعطـى الجبيـره

ولو لحقني من ادناهـم رزيـه
باحتملهـا ولحفهـا حصـيـره

واعتبر فزعتي مثـل الوصيـه
سيف يمناك سله مـن جفيـره

وحطني في نحر خصمك ضحيه
وخل عيني على نومك سهيـره

كفؤ
كفؤ
يابن عريمه
ما اجمل مابدعت لاهنت ولاهان منطوقك رائعه رائعه

 

 

 

 

[معلومات العضو فالح بن فهاد]

ابن عريمه صح الله السانك يالقرم مليووون لكن القصيده من هي له لك ولا لشاعر ثاني انت ماذكر شاعرها جعلك تسلم

 

 

 

 

[معلومات العضو فيصل بن جزاء]

كفو يابن عريمه قصيده جزله من شاعر جزل لاهنت وصح السانك

 

 

 

 

[معلومات العضو ابو زيد الغييثي]

اوسع حدود حد الدوسريه = قيّظ بديره وربع بديره

من ثرى الوادي لاالخرج النديه = لاالحسا وفل تاريخ ومسيره

جات بعراك  وفرس  بوارديهماخذيناها   بمقاصر    وجيره

مناوخٍ  في  ثراه  الفين   هيهبكل   حرٍ   مواريده   خطيره

راسخينٍ  على  شوف  البريهبالسيوف المحاديب الشطيره

مدرعينٍ  على  خيل   ومطيهملحقين  السرايا  بكل   ديره

ياحرارٍ  على   الباغي   عصيهياحصون الذرى زبن الكسيره

مادفعنا     لمخلوقٍ      جزيهغير  رب   الملا   مانستجيره

الشاعر المبدع / عبدالله بن عبدالرحمن بن ذيـــب آل عريمه
صــح اللسانك واعتلا شانك ، ابيات جزله غير مستغربه منك خصوصاً

وكلما اطلعت على نصل لك اجده اكثر من رائع ورصين وقوي المعنى

سهل الحفظ بل يجبرك على حفظه من شدت اعجابك به

أخوك / ابو زيــد الغييثي

 

 

 

 

[معلومات العضو العماني]

كفو كفو يستاهلون خطلان الأيدي

صح الله لسانك يابوعبدالرحمن وبيض الله وجهك على الابيات الرائعه .

والله لايهينك

 

 

 

 

[معلومات العضو صبي آل عريمه]

المشاركة الأصلية كتبت بواسطة صبي آل عريمه

قصيدة في قبيلة الدواسر الكريمة ~ ~

الابيات التي اشرت لها بـ 1 و2 ~ سقطت مني سهوا ارجو من المعنيين وضعها كما وضعتها

او اعطائي خاصية التعديل لاقوم بها ولكم مني الشكر

 

 

 

 

[معلومات العضو نايف الخييلي]

صبي ال عريمه


وصح لسانك على هالقصيده الرائعه وعافاك الله


وتم إضافته الابيات اللى طلبت

 

 

 

 

[معلومات العضو بن حفـيـظ]

عبدالله بن عبدالرحمن آل عريمه
صح الله لسانك على هالقصيده الكفو وسلمت يديك على كتابتها و وضعها بيننا

لاعدمناك

 

 

 

 

[معلومات العضو الشــقاوى]

لابـةٍ "زايـديـه" ~ "تغلبـيـه"
"أزد" "ووايل" مناسبنا الشهيـره


صح لسانك يا عبد الله بن عريمة

يا ذيب (((منتدى الدواسر)))

وجعل عود أرثك في نعيم الجنة

يعجز اللسان عن مدح سيرة شخص أتصفت فية الصفات (( الشجاعه_الكرم_الصخا_الشهامة_الشعر))

لا هنت ولاهنت ولا هنت يالقرم

وسلمت يمناك وجعلها ما تعرض على النار

 

 

 

 

[معلومات العضو ابن ذيب الودعاني]

اوسع حدود حد الدوسريه@@قيظ بديره وربع بديره

الله الله الله على هذه القصيدة العصماء صح الله لسانك ياعبد الله بن عريمة على مابدعه هاجسك وكتبته يمينك هذه القصيدة من اروع القصائد اللتي سمعتها في مدح قبيلة الدواسر وهذا البيت الرائع في مقدمة الرد يبرهن على كلامي

 

 

 

 

[معلومات العضو عبدالله بن قويد]

لاهنت وصح لسانك ياأبو عبد الرحمن وسلمت يمناك ,,,
العذر والسموحة توني أدري أنك غيرت أسمك يأبو عبد الرحمن ,,,

 

 

 

 

[معلومات العضو فتى الوداعين]

مشكووور وبيض الله وجهك يابن عريمـــــه ،،

 

 

 

 

[معلومات العضو صبي آل عريمه]

المشاركة الأصلية كتبت بواسطة البدوي

كفؤ
كفؤ
يابن عريمه
ما اجمل مابدعت لاهنت ولاهان منطوقك رائعه رائعه

هلابك ياالبدوي وتسلم يالقرم ولاتهون طال عمرك

 

 

 

 

[معلومات العضو صبي آل عريمه]

المشاركة الأصلية كتبت بواسطة الامبراطـــور

حياك الله يامبراطور وصح بدنك يالقرم