(وداع شهر رمضان)

[معلومات العضو الهول الودعاني]

اقدم لكم قصيده لشاعر المرحوم/ناصر بن محمد بن مهدي الدوسري

وهو من اللي خوتهم مع ال حنيش من الوداعين

يقول الشاعر

وداع ياسيد شهور السنيني= الله يعيدك يافضل شهور دنياه
الله يعيدك للعرب سالميني=الرابح اللي كل ما عدت تلقاه
عساك تلقانا مع المسلميني=بعفواً من الله كلما عدت ورضاه
يالله تكتبنا مع الفايزيني=بلطفاً وعفواً منك يالله يالله
قولوا معي آمين يالسامعيني=الله يعيده للعرب بعد فرقاه
وداع ياشهر به التايبيني= يغفرلهم رباً فرض فرض واسماه
سماه وانزل فيه لتابعيني=قرآن فيه احكام دينه ونقراه
وداع لكن كلنا نادميني=شهر الفضايل يا عرب كيف ننساه
يالله عسانا للاجر كاسبيني=معا عباد الله عسا لنا جااه
رحمتك يا رحمن للراحميني=ما غيرك احداً يا إلهي عبدناه
لعفوك ولطفك كلنا مرتجيني=عفوك عظيم ومن حسانك رجيناه
يالله تكتبنا مع الغانميني=وتعطي لمن تامر كتابه بيمناه
أمة محمد كلهم اجمعيني=الله ينصرهم على جملة اعداه
قولوا معي آمين يالصايميني= من يدعي الله مخلصاً يقبل دعاه
وصلوا على اللي ساد في المرسليني=نبي الهدى رب السموات نباه

وسلامتكم


الله الله بالتنسيق الله لا يهينكم

 

 

 

 

[معلومات العضو المطنوخه]

اي والله وداعا ياشهر الخير والرحمه ...الله يعيده علينا يارب صح لسانك ولسانه ولاهنت,,,

 

 

 

 

[معلومات العضو الهول الودعاني]

امين يا رب العالمين الله يعيده علينا

ويعطيك الف عافيه اختي على المرور الجميل

 

 

 

 

[معلومات العضو شافي القويسي المخاريم]

لاهنت على الطر الرائع
صح لساااااان الشاعر

تحياااااااتي

 

 

 

 

[معلومات العضو الهول الودعاني]

ولا انت طال عمرك

وتسلم على المرور الرائع