شهادة حق لأبن شعف

**معلومات** **العضو** · 13-07-2010, 01:26 AM

السلام عليكم ورحمة الله وبركاته

قصيدة في الشيخ : محمد بن عبدالله بن شعف المسعري الدوسري

سمعت عن الشيخ ثم رأيت بعيني وهو لايمنع احد عن مانحي بعارينه كائناً من كان .

فقلت هذا القصيده : شهادة حق بذلك

يابن شعف والي دعانـي علـى خيـرعلـم ٍ سمعتـه مـن جميـع الـبـوادي

عـلـم ٍ يـردونــه رجـــال ٍ منـاعـيـرقولة نعـم فـي كـل مجلـس ونـادي

قسمك بياض الوجه عنـد المسافيـريالمسعري فعلك عـن النـاس زادي

فـزتـوا بـهــا ياطايـلـيـن الأشـابـيـرعلـم ٍ جميـل وكــل يــوم ٍ عـيـادي

ياأهل البيوت الي نصوهـا المساييـرفالصيـف ولا فــي لـيـال الـبـرادي

نشوفهم ورد الظوامـي علـى البيـرالعيـلـم الـلــي للقـبـايـل مـــرادي

فـي مجلـس ٍ فيـه الـدلال المباهيـرالـلـي خـثـر فيـهـا جـديـد القـنـادي

دواســر ٍ يــوم اللـيـال المعـاسـيـربيوتهـم فيهـا الشـحـم لــه مـنـادي

وأيام سوقـات السلـف والمظاهيـرلهـم علـى الضـد المعـادي مـعـادي

يــوم القـبـايـل للقـبـايـل منـاحـيـرزادوا على أهل الجود وأهل الجوادي

آلاد زايــد زودهــم فالـعـرب غـيــرأهـل النقـا وأهـل القنـا والـشـدادي

وأهل الجهام اللـي سبوحـه طوابيـراللي عموقه سـاس عسـم الأيـادي

سـود البكـار اللـي تضـيـع التعابـيـرفي زينها اللي عن هـل الزيـن زادي

الله يسـوق لهـا الوسـوم المباكـيـرعلـى دخـول الوسـم ناشيـه بــادي

نـو ٍ مــن المنـشـأ مـزونـه مزابـيـرتجـري بشايـر مـاه مــع كــل وادي

وزان الطرب للي طربها المشاويـرلاطـالــت الـشــده وزاد الـعـنـادي

الخـلـف يبـرالـه دقــاق ومعاشـيـروشهب الجيوب اللي تبوج الحمـادي

وركبت على اللـي منتـو ٍ للمحاديـرهـرش ٍ تمـوح يـداه بيـض الرهـادي

تبغـالـهـا قـفــر ٍ تـخـالـف نـواويــرعـوده بعـد مـاراب والـديـم هــادي

ترعابـه النظـرات عشـق المغـاويـرأمـــا بـــراس الـمــال ولاّ تـــلادي

ترعى جديد النبت فالصبـح وعصيـروالـزود مـن فـوق الظهيـره يـنـادي

يـزهـى مجاهـيـم ٍ عليـهـا التباشـيـرتـسـاق فـأيـام الـوغـى والـطـرادي

الـلـي غـلاهـنـه يـفــوق التـصـاويـرمحـبـة ٍ مــن عـنــد رب الـعـبـادي

لـهـا مـعــزه فالضـمـايـر وتـقـديـرخـص ٍ ليـا صـارت شنـاح ٍ سـنـادي

ملحا ً غشاهـا الزيـن وهبـه وتصويـرماجالهـا فــأرض الجـزيـره مــلادي

للدوسـري هـذي زبـون المخاسـيـروانـشـد وتلـقـى مانقـولـه وكـــادي

الشاعر: متعب محمد الشايوش العتيبي

**معلومات** **العضو** · 13-07-2010, 01:53 AM

يستاهل الطيب ولاهنت على القصيده وصح لسانك

تقبل مروري

**معلومات** **العضو** · 13-07-2010, 02:54 PM

كفوووووووووووووو ولاهي غريبه على ابن مسعر

**معلومات** **العضو** · 13-07-2010, 03:25 PM

يستاهل
وصح السانك

لاهنت

**معلومات** **العضو** · 13-07-2010, 07:44 PM

صح لسانك

ويستاهلون المساعره

لأنهم أهل العلوم الغانمه

اول وتالي

وماعليكم زود

ياصبيان عتيبة الهيلا

**معلومات** **العضو** · 13-07-2010, 10:40 PM

دواسـر ٍ يـوم الليـال المعاسـيـربيوتهـم فيهـا الشحـم لـه منـادي

وأيام سوقـات السلـف والمظاهيـرلهم على الضـد المعـادي معـادي

يـوم القبايـل للقبـايـل مناحـيـرزادوا على أهل الجود وأهل الجوادي

آلاد زايـد زودهـم فالعـرب غيـرأهل النقـا وأهـل القنـا والشـدادي

آلاد زايد زودهم فالعرب غيرأهل النقا والقنـا والشـدادي

الله الله

متعب صح لسانك

ويستاهل ابن شعف المدح

لاهنت وبيض الله وجهك يالعتيبي

تحياتي

**معلومات** **العضو** · 13-07-2010, 10:58 PM

يستاهل المدح محمد بن عبدالله بن شعف المسعري

ولا هي غريبة في الدواسر كل

لاهنت اخوي الشاعر متعب العتيبي على القصيدة

تحياتي

**معلومات** **العضو** · 13-07-2010, 10:58 PM

صح الله لسانك يامتعب وبيض الله وجهك

على القصيدة ويستاهل ابن شعف المدح
والناموس

تقبل سلامي

**معلومات** **العضو** · 15-07-2010, 04:22 PM

كفووو والله ويستاهل المدح والطيب

ولآهنت على نقلها يا القرم

**معلومات** **العضو** · 17-07-2010, 03:43 PM

الأخوان

(محمد الودعاني , مصيول ,خالد المشاويه , حفيد الامراء , الجراح , ابو اثير , حمد ابن فهد , ناصر الفصام )

شكرا لكم على المرور العطر وشرفتونا

ويستاهل ابن شعف كل علم ٍ غانم

ولا قلنا غير الصحيح .