من شان فعله ما نفع زين زوله....

**معلومات** **العضو** · 23-04-2005, 12:42 AM

قصيده تحكي عن نفسها....للشاعر بدر بن عواد الحويفي....يقول:

ياناس بالعادات شفنا الغياره"=" رخص الشرف والطيش دقت طبوله
بعض شباب اليوم ضيع وقاره"="خاص الذي درب المعاصي ميوله
مايفهم اللي ينفعه من دماره"=" ولايحترم دينه وملة رسوله
يعوم طول الليل في كل حاره"="مابه شرف دنيا ولابه رجوله
يفرض على نفسه اسلوب الحقاره"=" ومن شان فعله مانفع زين زوله
على الخنا يسهر ويرقد نهاره"="وأمه وأبوه مضيقتهم فعوله
عقله ضعيف ويدعي بالشطاره"="وله شلة لامرهم صفقوا له
من بينهم معروف رمز الاشاره"="وان طافهم ماشافهم صفروا له
سلك التفاهم بينهم والعباره"="ألفاظ تنفاها النفوس الخجوله
قالو تعال وكلهم بانتظاره"=" نبي لنا مع هجعه الناس جوله
خسارة ياكبرها من خساره"=" ليا عود البالغ لعقل الطفوله
واستثني اللي نهج الاخيار كاره"=" المستقيم اللي نزيهه اسبوله
اللي مع الطرق السليمه مساره"=" حافظ مبادي سمعته والحموله
العقل والدين الحنيفي شعاره"=" وجيران بيته بالصلاة اشهدوا له

وسلامتكم...

**معلومات** **العضو** · 23-04-2005, 12:44 AM

صح لسانتس يالنادره ولسان قايلها ومشكوره على هالمجهود الواضح,,,,,,

**معلومات** **العضو** · 23-04-2005, 12:52 AM

النادره

صلح لسانك ولسان قايلها

ولا تبخلين علينا بالقصايد اللي مثل هاذي

**معلومات** **العضو** · 23-04-2005, 12:58 AM

نايف.. الشكر موجه لكم أخوتي على كل شيء....ولا هنت عالمرور الكريم....

**معلومات** **العضو** · 23-04-2005, 12:59 AM

سلطان بن مطلقه... يا حياك الله ومرحبا بك مليون على المرور الكريم أخي ... وأبشر بسعدك.

**معلومات** **العضو** · 23-04-2005, 01:27 AM

السلام عليكم ورحمة الله وبركاته

بيض الله وجهك( يالنادره ) وصح لسانه صحيح والله هذه القصيده . على شباب السعوديه خاصه .

والـــــــســــــــــــلام خــــــــــــــتــــــــــــــام