عذراً يا خالد ( نايف بن مسرع )

[معلومات العضو راشد المسعري]

الشاعر نايف بن مسرع

عذراً خالد ..!

عذراً عصيّ الدموع أخجلتني بالعتاب= وأنا على الصمت ياخوي الصغير مغصوب
آمنت بأنك عظيم... وتستهين الصعاب= وكفرت بأسخف قضية يختلقها كذوب
من كبر قدرك.. تعاج لملحمتك الرقاب= وتصغي لك آذان أهل الانصاف من كل صوب
مزجت مرّ العذاب.. بمستلـَذ العذاب =وحشدت سحر البيان لدمغ روس الخطوب
في نظرتك.. للأمل يشرع ثمانين باب= وفي محنتك.. تنقفل للحلم كل الدروب
وجهك رسالة سلام وللبراءة كتاب= وعقلك إدانة... دوافعها اضطهاد الشعوب
لو غبت عنا.. حضورك ماهزمه الغياب= أسير.. لكن أسرت بكبرياك القلوب
مادام ذنبك طموحك.. والعزيمة زهاب= تكفى.. عن الذنب هذا يابطل لاتتوب
حدّث مشيب المذلة.. عن شموخ الشباب= وطوّح بصوت الكرامة: مرحبا بالذنوب
علّم عشيق الثرى.. وشلون عشق السحاب= وبلّغ عراة المهابة.. تلبس الذل ثوب
عذراً ياخالد ولوّ إن وجه الاعذار شاب= شمع المصانَع على نار الصراحة يذوب
خذلْك مليار.. ماحسب لغضبهم حساب =وأنت بسموّك مع كبار المقام محسوب
غظّت عيون التخاذل عن دعاة الخراب= ولدّت عيون التجني.. لاختلاق العيوب
والحرة إللي تغشاها حياها حجاب= تلفتت في المكان إللي غشاه الشحوب
وصاحت بعد مابلغ حزن الامومة نصاب= هاكم حياتي زكاة.. ولايضام محبوب
لاغاب خالد... بعيني نور الأفراح غاب= ردوا سناها لها تكفووون قبل الغروب

 

 

 

 

[معلومات العضو سمو الادب]

لله درك يانايف
ابياتك تجمل قايلها وناقلها
صح الله لسانك يابو مسرع ولاهنت على النقل ياراشد

 

 

 

 

[معلومات العضو شافي بن راشد النتيفات]

هذا البيرق الحقيقي لبومعزي توصيل رساله مثل هذي الى العالم واترك المداحين يمدحون فانت يانايف دخلت مرفوع الراس وخرجت مرفوع الراس ودخلت قلوب المتابعين لك بشدة اتمنى لك التوفيق والنجاح والاستمرار وصح الله لسان ابومعزي على هذه الر سالة التي اتمنى من الله العلي القدير ان تلقى باب مفتوح من الله وتكون سبب في الافراج عن ابن العم المعتقل خالد الدوسري اشكرك اخوي ابومحسن على نقل هذه الشامخة من قريحة الشامخ بين ايدينا

 

 

 

 

[معلومات العضو راشد المسعري]

المشاركة الأصلية كتبت بواسطة سمو الادب

لله درك يانايف
ابياتك تجمل قايلها وناقلها
صح الله لسانك يابو مسرع ولاهنت على النقل ياراشد

يامرحبا ياسمو الأدب

جمّل الله حالك

وصح بدنك نيابة عن ابو معزي

تقبل ودي وتقديري ،،،

 

 

 

 

[معلومات العضو راشد المسعري]

المشاركة الأصلية كتبت بواسطة شافي بن راشد النتيفات

هلا ابو شالح
لاهنت والمعذرة في التأخر في الرد
كانت القصيدة في قسم شاعر المليون وكانت الردود مقفلة بالغلط
تقبل ودي وتقديري ،،،،

 

 

 

 

[معلومات العضو ماجد الدوسري]

مادام ذنبك طموحك.. والعزيمة زهاب
تكفى.. عن الذنب هذا يابطل لاتتوب

صح لسان ابو عبدالعزيز والله يخرجك ياخالد عاجل غير آجل

 

 

 

 

[معلومات العضو سالم بن صمهود]

صح الله لسان الشاعر اللي والله انه ابكاني ماعندي احد على شان اقول اني يمكن اجامل احد واسل الله ان يخرج المقصود مماهوفيه عاجل لابطا امين امين