نادولنا شاعر يا اهل المحاوره

[معلومات العضو شاعر مطيري]

سلام رديّه تذر الكحـل بعيـون الحسـد=====تلفي مجال اللي يحاولها ولاهو حولهـا

السبت قدام الاحد واللي ورى السبت الاحد====اقولها واللي معه فكـرٍ سليـم يقولهـا

 

 

 

 

[معلومات العضو عبدالرحمن الشرافي]

يا مرحبا عــد ما جــــلادٍ جـــلد ====== بك ياشاعر مــطـير أبــا أقــولها

الله يكفينا من شرور البلاوي والحسد===== اقولها واللي معه فكر سليم يقولها




تراها اول مره اتحاور

لحد ينقد علي
هههه

 

 

 

 

[معلومات العضو شاعر مطيري]

دام البقاء للشرافي خيّال الجهام المعتمـد===== اقولها لأهل الطبول اللي تدق طبولها
استغفر الله يوم قلت ام الولد جابت ولـد=====يوم انها قامت تشيل الجمر وسط حثولها

 

 

 

 

[معلومات العضو المسعري]

حياك ياشاعر من مطير في منتدى الدواسر وعتبي على الاخ عبدالرحمن الشرافي لو فسح المجال للاخوه اللي لهم باع في اللعب كان احسن بحكم انها اول محاوله له

 

 

 

 

[معلومات العضو ابن وتيد السباعي]

المشاركة الأصلية كتبت بواسطة المسعري

حياك ياشاعر من مطير في منتدى الدواسر وعتبي على الاخ عبدالرحمن الشرافي لو فسح المجال للاخوه اللي لهم باع في اللعب كان احسن بحكم انها اول محاوله له

يامرحبا يالمسعري وكلامك سليم

 

 

 

 

[معلومات العضو عبدالرحمن الشرافي]

اخوي الغالي (( شاعر مطير ))


انتظرتك حوالي نص ساعه ولا رديت..

وكان ودي اخذ معك وعد ....؟؟

لكن تحقيق لرائي و رغبة اخواني الغاليين ((( المسعري وابن وتيد )))

هـــــونــــت .... بحكم انهم اكبر مني في الشعر و فالسن ))))


اخوي المسعري وابن وتيد ((( بقولكم....... انا قبل لاأرد عليه شفت قائمت المتواجدين وما لقيتكم ولا لقيت بدر بن نايف وقلت اجرب ))


وإذا حصل مني شي فالعذر والسموحه



تحياتي..

 

 

 

 

[معلومات العضو ابن وتيد السباعي]

ماحصل منك قصور يالقرم وافي جعلني ماذوق حزنك

لكن المحاوره مع شاعر جديد او من خارج القبيله من الاولى اتاحه الفرصه للشعراء المعروفين

وذلك لعكس صوره ممتازه عن المنتدى لشخص القادم

وشعر المحاوره لا يقتصر على المسعري او ابن وتيد او بدر بن نايف فهناك الكثير من الشعراء الجزلين ويشار لهم بالبنان.

ونعتبر انفسنا كسبنا شاعر جديد

وعذرنا يالقرم كلنا اخوان والغلط بينا مدموح.

 

 

 

 

[معلومات العضو حسن مسرع الدوسري]

تابعو // شاعر المحاورة سلطان الدوسري يرد على شاعر قبيلة مطير .. بأبيات من الوزن الثقيل .............. فتابعو .....

 

 

 

 

[معلومات العضو المسعري]

الله لايهينك ياحسن مسرع على المرور بس مدري من تقصد بشاعر مطير ان كان اللي لعب معه عبدالرحمن الشرافي في هذي الصفحه فهذا طارروق فات اما ان كنت تقصد شاعر المطران تركي الفين فعساه على القوه ومفروض انك نزلت موضوع خاص لان هذي الصفحه للموضوع هذا بس

 

 

 

 

[معلومات العضو أفلاطون دوسر]

السلام عليكم ورحمة الله وبركاته :

فاقد الشئ لا يعطيه ... والاخ الذي تسمى بإسم ( شاعر مطيري) ينطبق عليه هذا القول ..

تعجبت كثيرا وانا أرى محاورة قديمة بين الشاعرين : (( نواف العازمي العتيبي)) و (( عبدالله العير المطيري رحمه الله ))توضع هنا باسم (( شاعر مطيري)) أين المصداقية يااخي الكريم ؟؟

المحاوره سمعتها من قبل في تسجيل صوتي .. وتم نشرها ايضا في مجلة (( المختلف)) في العدد رقم (( 172)) شهر نوفمبر 2005

وهذه بعض ابياتها :

نواف :

سـلام رديـة تــذر الكـحـل بعـيـون الحـسـدتلفـى مجـال اللـي يحاولهـا ولا هـو حولـهـا

السبت قدام الاحد واللي ورى السبت الاحداقولهـا واللـي مـعـه فـكـرٍ سلـيـم يقولـهـا

عبدالله :

يامرحبا يا سعـود يـوم انـك تغنـي مـع سعـداهل العقول البيض مدري وش دخل بعقولها

تـراك يانـواف بـن منـور غريـب عـن البـلـدوالمقفلـيّـة عـنـد رجّــالٍ يـحـفـظ قفـولـهـا

نواف:

دام البقاء بـسعود خيّال الجهـام المعتمـدمااقولها لاهل الطبول اللي تـدق طبولهـا

استغفر الله يوم قلت ام الولد جابت ولديوم انها قامت تشيل الجمر وسط حثولها

عبدالله :

إليا قنب سرحان في الظلماء ورد ولاّ شردوالصايحـة تنخـى وكــل الـنـاس مالدّولـهـا

عين المهلهل عقب اخوه كليب والفها رمـدوالنـاس قامـت يـم حرثتهـا تـعـن خيولـهـا

نواف :

انا ادري انك علةٍ صرمى ولا ادري وش بعدالمشكلـه حلـيـاك حليـاهـا وزولــك زولـهـا

ترعـد وتبـرق سالفتكـم جعـل مافيهـا بـرديالله عساها المزنة اللـي ماتسيـل سيولهـا

عبدالله :

ابن الحلال اللي حرث عنها تـورّط وانقـردانـتـه تحالـيـهـا وانـــا حملـتـهـا بحمـولـهـا

الله واكـبـر يـالـعـوازم ياقـويـيـن الـجـهـدان كان فيكم خير سربتنا الصباح اقفوا لها

نواف :

ان جيت مازاد العدد وان رحت ما تنقص عددتبغى الصحيح اضحك على ناسٍ خفاف عقولها

عـز الله انـك فـارسٍ قطّـاع لــو مــا ترتـعـدوالاّ الـعـوازم خابـريـن فعـولـكـم و فعـولـهـا

الى آخر المحاوره ....

وانا استغرب من الاخ المطيري اقحام اسم ((الشرافي)) في رده الثاني عليه وكيف وضع اسم الشرافي بدلاً من (( سعود)) !!

أتمنى من الاخوة الكرام ان يحتاطوا كثيراً لبعض المرتزقه الذين يحاولون العبث بهذا اللون الجميل من الشعر وتدنيسه بسرقة افكار الشعراء العظام دون خجل او حياء !!

والسلام عليكم ..

 

 

 

 

[معلومات العضو المسعري]

لاحول ولاقوه الا بالله
هذا والله الي مرضه مستشري يسرق في وضح النهار

الله لايهينك ياذيبان يا افلاطون دوسر على فضح هذا ومثله لا وكاتب شاعر من مطير بس احسن اسم يليق عليق (سرووووووق من مطير )

 

 

 

 

[معلومات العضو ابوشجاع]

لاهنت ياافلاطون وعزالله انه جابها لنفسه

وبين على الحقيقه

اتمنى من الشعار عدم الرد على هذا الشخص في اي محاوره

حتى يعتذر ويبرر موقفه لمنتدانا والاّ اتخذنا معه اجراء الطرد من قبل الاداره الموقره